विश्वकप फुटबलका खेलमा बाजी राख्ने हजाराैं पक्राउ

WORLD CUP

Home
WORLD CUP
विश्वकप फुटबलका खेलमा बाजी राख्ने हजाराैं पक्राउ

विश्वकप फुटबलका खेलमा बाजी राख्ने हजाराैं पक्राउ

खेलकुद मञ्‍च बिहीबार, असार २१, २०७५

एजेन्सी, २१ असार - थाइल्याण्डमा विश्वकप फुटबल प्रतियोगिता २०१८ का विभिन्न खेललाई लिएर बाजी राखेकाे आरोपमा हजाराैँ जना पक्राउ परेका छन्।

प्रहरीका एक उच्च अधिकारीले धेरै मानिसलाई पक्राउ गरेको तथ्य बुधबार सार्वजनिक गरेका हुन्। उनका अनुसार यस अगाडि अर्थात् सन् २०१४ मा भएको विश्वकप फुटबलका बेलाको भन्दा अहिले पक्राउ पर्नेहरूको संख्या दोब्बर भएको हो।

जारी प्रतियोगिताका खेलहरूबारे बाजी खेल्नेहरू देशभरी रहेको र पक्राउ पर्ने पनि देशभरीकै रहेको जनाइएको छ। प्रहरी अधिकारीहरूले बाजी खेल्नेहरू अत्यन्त धेरै बढेको पनि बताएका छन्।

प्रहरीले यसलाई एक प्रकारको जुवाको रूपमा लिएर बाजी खेल्न प्रतिबन्ध लगाउने गरेको भए पनि खेल्नेक्रम भने रोकिएको छैन। बाजी खेल्दा जुवामा जस्तो ठूलो रकम हारजीत हुने भएकाले सामाजिक तथा पारिवारिक अवस्थामा समेत असर पर्ने भन्दै थार्इ सरकारले यसलार्इ राेक्ने प्रयास गर्दै अाएको छ ।

प्रकाशित मिति: बिहीबार, असार २१, २०७५ १७:०७