ट्राईयाथलनमा लेभल २ कोर्स गर्ने पहिलो नेपाली धनेश्वर प्रजापती एसियाडको निर्णायक चयन

WORLD CUP

Home
WORLD CUP
ट्राईयाथलनमा लेभल २ कोर्स गर्ने पहिलो नेपाली धनेश्वर प्रजापती एसियाडको निर्णायक चयन

ट्राईयाथलनमा लेभल २ कोर्स गर्ने पहिलो नेपाली धनेश्वर प्रजापती एसियाडको निर्णायक चयन

खेलकुद मञ्‍च शुक्रबार, असार १५, २०७५

काठमाडाैं, १५ असार- मित्र राष्ट्र ईन्डोनेसियाको जकार्तामा भाद्र २ देखि १७ गते सम्म आयोजना हुने १८ औं एशियाली खेलकुद अन्तरगत हुने ट्राईयाथलन प्रतियोगिताका लागि श्री धनेश्वर प्रजापती निर्णायकमा चयन भएका छन् ।

उनलाई एशियन ट्राईयाथलन महासंघले एशियाली खेलकुद अन्तरगत हुने ट्राईयाथलन प्रतियोगिताका लागि निर्णायकमा चयन गरिएको नेपाल ट्राईयाथलन संघले जनाएको छ।

विभिन्न अन्तराष्ट्रिय ट्राईयाथलन प्रतियोगितामा निर्णायकको भुमिका निर्वाह गरिसकेका धनेश्वर लेभल २ कोर्ष गर्ने पहिलो नेपाली निर्णायक हुन्।

हाल नेपालमा ५ अन्तराष्ट्रिय निर्णायक सहित ३२ राष्ट्रिय निर्णायक रहेका छन्। छोटो समयमानै अन्तराष्ट्रि खेलक्षेत्रमा आफ्नो पहिचान राख्न सफल ट्राईयाथलनबाट एशियाली खेलको लागि निर्णायक चयन भएको प्रजापती पहिलो निर्णायक हुन्।

छोटो समयमानै अन्तराष्ट्रिय प्रतियोगिताहरुमा पदक प्राप्त गर्न सफल भईसकेको ट्राईयाथलन खेलले भारतको गुहाटीमा भएको दक्षिण एशियाली खेलमा पहिलो सहभागितामानै एक रजत र एक कास्य पदक प्राप्त गर्न सफल भईसकेको छ।

प्रकाशित मिति: शुक्रबार, असार १५, २०७५ १५:०६