तेजस्वी र बेल्मन्टलाई टप्स बास्केटबलको उपाधि

शैक्षिक खेलकुद

Home
शैक्षिक खेलकुद
तेजस्वी र बेल्मन्टलाई टप्स बास्केटबलको उपाधि

तेजस्वी र बेल्मन्टलाई टप्स बास्केटबलको उपाधि

काठमाडौं । तेजस्वी एकेडेमी र बेल्मन्ट इन्टरनेशनल स्कुलले आठौं टप्स अन्तरविद्यालय बास्केटबल प्रतियोगिताको उपाधि जितेका छन् । तेजस्वी सिनियर ब्वाइज तथा बेल्मन्ट सिनियर गर्ल्समा च्याम्पियन बनेका हुन ।

तार्केश्वर नगरपालिका १, साङलास्थित ल्यान्डमार्क एकेडेमीमा भएको सिनियर ब्वाइजको फाइनलमा तेजस्वीले गण्डकीलाई ४३–३० ले पराजित गर्यो । तेजस्वीका विराज गुरुङले १२ अंक जोडे । नवोदितले बेल्मन्टलाई २५–१३ ले हराउदै तेश्रो भयो । नवोदितका आदेश बगालेले १२ स्कोर गरे । टिम अफ प्रोग्रेसिभ स्कुल (टप्स)द्वारा आयोजित प्रतियोगिताको सिनियर गर्ल्स फाइनलमा बेल्मन्टले ल्यान्डमार्कलाई १३–११ ले पाखा लगायो । बेल्मन्टकी जेशिका गुरुङले ७ अंक जोडिन् । ह्वाइट हेभेनले संस्कृति शिक्षा सदनमाथि १३–१२ को कठिन जित दर्ता गर्दै तेश्रो भयो । ह्वाइट हेभेनकी कल्पना ओलीले ७ अंक बटुलिन् ।

सिनियर ब्वाइजमा तेजस्वीका दिपेन छन्त्याल तथा सिनियर गर्ल्समा बेल्मन्टकी समिक्षा पुन मगर ‘मोस्ट भेलुएबल प्लेयर’ घोषित भए । सिनियर ब्वाइजमा तेजस्वीका आयुश अधिकारी तथा सिनियर गर्ल्समा ल्यान्डमार्ककी सगुनी देवकोटा प्रतियोगिताकै सर्वाधिक स्कोरकर्ताको सूचीमा शीर्ष स्थानमा रहे । आयुशले ५७ तथा सगुनी ३२ स्कोर गरे ।

विजेतालाई काठमाडौं प्याब्सनका अध्यक्ष नवराज भट्ट, तार्केश्वर नगरपालिका वडा १ का अध्यक्ष विदुर सापकोटा, टप्सका अध्यक्ष भरतमणि पोखरेल, ल्यान्डमार्ककी प्रिन्सिपल सुष्मा श्रेष्ठ, टप्सका इसीए को-ओर्डिनेटर थिरबहादुर बस्नेतलगायते एक कार्यक्रमबीच पुरस्कृत गरे । चारदिने प्रतियोगिताको सिनियर ब्वाइजमा १४ तथा सिनियर गर्ल्समा १० टिमले लिग कम नकआउट आधारमा प्रतिस्पर्धा गरेका थिए ।

प्रकाशित मिति: आइतबार, फागुन २५, २०८१ १७:३७