काठमाडौं । नेपाल प्रिमियर लिग एनपीएलअन्तर्गत मंगलबार भएको पहिलो खेलमा विराटनगर किंग्सविरुद्ध चितवन राइनोजले रोमाञ्चक जित निकालेको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा चितवनले विराटनगर किंग्सलाई ८ रनले पराजित गरेको हो ।
चितवनले दिएको १५८ रनको लक्ष्य पछ्याएको विराटनगर १९.३ ओभरमा १४९ रनमै अलआउट भयो । विराटनगरका लागि ओपनर इमरान शेखले सर्वाधिक ३९ रन बनाए । उनले ३१ बलमा ४ चौका र २ छक्का प्रहार गरे ।
यस्तै, आन्द्रे रसेलले ३३ रन, लोकेश बमले २६ रन र बसिर अहमदले १३ रन जोडेका थिए । विराटनगरको ब्याटिंग लाइन ध्वस्त गर्ने क्रममा चितवनका कमल सिंह ऐरी एक्लैले चार विकेट लिए । यस्तै, रिजन ढकालले २ विकेट तथा टम टेलर, डान मोस्ली, मौसम ढकाल र रन्जित कुमारले समान १/१ विकेट लिएका थिए ।
.jpg)
यसअघि टस हारेर पहिले ब्याटिङ गरेको चितवनले निर्धारित २० ओभरमा ३ विकेट गुमाएर १५७ रन बनाएको थियो । चितवनका लागि ओपनर डेविड मलानले ५० बलमा समान ५ चौका र ५ छक्कासहित सर्वाधिक ७० रन बनाएका थिए ।
यस्तै, कप्तान रवि वोपाराले ३२ रन, डान मोस्लीले अविजित २९ रन र देव खनालले १२ रन जोडे । बलिङतर्फ विराटनगरका एंगेलो म्याथ्युज, आन्द्रे रसेल र चरिथ असलंकाले समान १/१ विकेट लिएका थिए ।
-1793120321.JPG)
-1793031380.jpg)
-1790615620.jpg)
-1790577148.jpg)
