विश्व कीर्तिमानी क्रिकेटर दीपेन्द्र र कुशललाई रोयल ब्लूले जनही दुई लाख दिने

क्रिकेट

Home
क्रिकेट
विश्व कीर्तिमानी क्रिकेटर दीपेन्द्र र कुशललाई रोयल ब्लूले जनही दुई लाख दिने

विश्व कीर्तिमानी क्रिकेटर दीपेन्द्र र कुशललाई रोयल ब्लूले जनही दुई लाख दिने

खेलकुद मञ्‍च शुक्रबार, असोज १२, २०८०

काठमाडौं । सागर डिस्ट्रिलरीको रोयल ब्लूले १९ औं एसियाली खेलकुद अन्तर्गत टि-२० आई पुरुष क्रिकेटमा विश्व कीर्तिमान बनाउने दुई खेलाडीलाई जनही २ लाख सहित सम्मान गर्ने घोषणा गरेको छ ।

सागर डिस्ट्रिलरीले बिहीबार विज्ञप्ति जारी गर्दै टी ट्वान्टी क्रिकेटमा विश्व कीर्तिमान बनाउने कुशल मल्ल र दीपेन्द्र सिंह ऐरीलाई जनही २ लाख रुपैयाँ सहित सम्मान गर्ने बताएको हो ।

कुशल र दीपेन्द्रको कीर्तिमानी प्रदर्शनमा नेपालले एसियन गेम्स क्रिकेटमा भियतनामविरुद्ध ऐतिहासिक जित दर्ता गरेको थियो । दीपेन्द्रले ९ बलमा अर्धशतक प्रहार गर्ने विश्व कीर्तिमान कायम गरेका थिए भने कुशलले सबैभन्दा चाँडो शतक प्रहार गर्ने कीर्तिमान कायम गरेका थिए ।

प्रतियोगितामा बायाँ हाते युवा ब्याटर कुशल मल्ल ५० बलमा ८ चौका र १२ छक्कासहित सर्वाधिक १ सय ३७ रनमा नटआउट रहेका थिए । विष्फोटक ब्याटिङ गरेका दीपेन्द्रसिंह ऐरी १० बलमा ८ छक्कासहित ५२ रनमा क्रिजमा नटआउट रहेका थिए । नेपालले मंगोलियामाथि २ सय ७३ रनको विश्व कीर्तिमानी जित हात पारेको थियो ।

रोयल ब्लूका ब्राण्ड हेड ऋतिक शाहीले विज्ञप्तिमार्फत भन्नुभएको छ, ‘कुशल र दीपेन्द्रले क्रिकेट मैदानमा गरेको असाधारण उपलब्धिहरूका लागि हामी अत्यन्तै गर्व गर्छौ । उनीहरूको उल्लेखनीय प्रदर्शनले नेपाललाई महिमा मात्र ल्याएको छैन तर क्रिकेट उत्साहीहरूको एक पुस्तालाई पनि प्रेरित गरेको छ । पूर्णता र उत्कृष्टतामा समर्पित ब्रान्डको रुपमा रोयल ब्लू उनीहरूको उत्कृष्ट रेकर्डलाई सम्मान गर्न पाउँदा खुसी छ ।’

प्रकाशित मिति: शुक्रबार, असोज १२, २०८० ११:४२