अन्तर क्वान खुला राष्ट्रिय उसुमा शिअ टिम च्याम्पियन

विविध खेल

Home
विविध खेल
अन्तर क्वान खुला राष्ट्रिय उसुमा शिअ टिम च्याम्पियन

अन्तर क्वान खुला राष्ट्रिय उसुमा शिअ टिम च्याम्पियन

काठमाडौं । शिअ उसु क्वान तेश्रो अन्तर क्वान खुला राष्ट्रिय उसु प्रतियोगितामा शुक्रबार टिम च्याम्पियन बनेको छ । शिअ उसु क्वान ४ स्वर्ण र ७ रजतसाथ समग्रमा टिम च्याम्पियन बनेको थियो ।

दोश्रो भएको काठमाडौं उसु क्वानले ४ स्वर्ण र ३ रजत जित्यो । तेश्रो स्थानको निन्जा उसु क्वानले समान ३/३ स्वर्ण/रजत हात पार्यो । शीर्ष तीन स्थान हात पार्नेले क्रमशः ३० हजार, २० हजार र १० हजार नगद पुरस्कार हात पारे ।

नेपाल उसु महासंघद्वारा आयोजित प्रतियोगिताको थाउलोतर्फ पुरुषमा पशुपति उसु क्वानका सागर खड्का तथा महिलामा कालभैरव उसु क्वानकी अस्मिता श्रेष्ठ उत्कृष्ट खेलाडी घोषित भएका थिए ।

सान्सौंको पुरुषमा काठमाडौंका निश्चल तामाङ तथा महिलामा शिअकी अस्मिता गाहा मगर उत्कृष्ट खेलाडी चुनिए । थालोमा शिअका ओमप्रकाश ओली तथा सान्सौंमा काठमाडौंका मिलन राई उदीयमान खेलाडी ठहरिएका थिए ।

प्रकाशित मिति: शुक्रबार, असार २२, २०८० २१:२७