काठमाडौं । एलआरआई स्कुलको आयोजनामा नवौं एलआरआई अन्तरविद्यालय स्तरीय बास्केटबल तथा फुटसल फेस्ट सम्पन्न भएको छ । एलआरआई स्कुलको खेलमैदानमा भएको उक्त कार्यक्रममा काठमाडौं उपत्यकाका ट्रिनिटी, ग्लोबल कलेज, हिमालयन ह्वाइट हाउस, सीसीआरसी, गोल्डेन गेट कलेज सहभागी थिए ।
त्यस्तै डीएभी, बर्नहार्ट, ट्रिटन, ग्यालेक्सी, सामाखुसी विद्यालय, केसीसीएस, पुष्प सदन, नभोदित, ओमेगा, आईएमएस, न्यूजेनिथ, टाईंम्स, जनमैत्री एस. कलेज तथा आयोजक एलआरआइको सहभागिता थियो ।
लिग र नकआउट प्रणालीमा सञ्चालन भएको प्रतियोगितमा बास्केटबलतर्फ १६ र फुटबलतर्फ १० टोलीको सहभागिता रहेको थियो । बास्केटबलतर्फ फाइनलमा टाइम्स र सीसीआरसी कलेज भिड्दा टाइम्स कलेज विजयी भएको थियो । फाइनल खेलमा टाइम्सले सिसिआरसिलाई ७६–५२ को फराकिलो अन्तरले पराजित गर्दै उपाधि हात पारेको थियो ।
फुटबलतर्फ हिमालयन ह्वाइटहाउस कलेज र काठमाडौं कलेज अफ सेन्ट्रल स्टेट (केसीसीएस) भिड्दा हिमालयन ह्वाइटहाउसले उपाधि चुमेको थियो । फाइनल खेलमा ह्वाइट हाउस कलेजले केसिसिएसलाई ४–२ गोल अन्तरले पराजित गर्दै उपाधि जितेको थियो ।
कार्यक्रमका प्रमुख अतिथि नागार्जुन नगरपालिकाका उप–प्रमुख सुशिला अधिकारीले विजेताहरुलाई ट्रफी, मेडल, प्रमाणपत्र, नगद पुरस्कार प्रदान गरिएको थियो भने सहभागी विद्यालयलाई सम्मान पत्र प्रदान गरिएको थियो ।
व्यस्त शैक्षिक क्यालेण्डरका बावजुद सद्भाव, मित्रता र भाइचाराको उद्देश्यले आयोजना गरिएको प्रतियोगितालाई सफल बनाउन सहयोग गर्ने सम्पूर्णलाई एलआरआईका प्रिन्सिपल डा. देवकान्त जोशीले धन्यवाद व्यक्त गरेका थिए ।
-1731995984.jpg)
