ओलम्पिक डेका अवसरमा ‘कम एण्ड सुट’ आर्चरी कार्यक्रम सम्पन्न

राखेप/एनओसी

Home
राखेप/एनओसी
ओलम्पिक डेका अवसरमा ‘कम एण्ड सुट’ आर्चरी कार्यक्रम सम्पन्न

ओलम्पिक डेका अवसरमा ‘कम एण्ड सुट’ आर्चरी कार्यक्रम सम्पन्न

अोलम्पिक डेका अवसरमा अायोजित कम एण्ड सुट अार्चरी कार्यक्रममा सामूहिक तस्वीर खिचाउँदै प्रतिनिधि सभा सदस्य एवम् नेपाल ओलम्पिक कमिटिका अध्यक्ष जीवनराम श्रेष्ठका साथमा अोलम्पक तथा संघका पदाधिकारीहरु।

काठमाडाैं, ६ असार – ओलम्पिक डेका अवसरमा ‘कम एण्ड सुट’ आर्चरी कार्यक्रम सम्पन्न भएको छ।

उक्त कार्यक्रम प्रतिनिधि सभा सदस्य एवम् नेपाल ओलम्पिक कमिटिका अध्यक्ष जीवनराम श्रेष्ठको नेतृत्वमा अन्य पदाधिकारीको सहभागितामा नेपाल आर्चरी संघद्वारा सातदोबाटोस्थित ओलम्पिक भवन परिसरमा उपराष्ट्रपति नन्दबहादुर पुनको प्रमुख आतिथ्यता सम्पन्न भएको हो।

उक्त कार्यक्रममा ओलम्पिक कमिटिका अध्यक्षसहित उपाध्यक्ष ज्योती राणा, सदस्य निलेन्द्र राज श्रेष्ठ र अशोक बज्राचार्य समेत सहभागी भएका थिए। कार्यक्रममा एसियन गेम्सको तयारीमा रहेका खेलाडी, संघका पदाधिकारी र ओलम्पियन खेलाडीहरु पनि सहभागी भएका थिए।

हरेक वर्ष जुन २३ तारिखमा ओलम्पिक डे मनाईदै आएको छ। सन् १८९६ मा ग्रीसबाट शुरु भएको ओलम्पिक डे २ सय ७ देशले मनाउने गरेका छन्।

नेपाल ओलम्पिक कमिटीले अोलम्पिक डेका अवसरमा ७२ वटा कार्यक्रमको आयोजना गरेको छ। सोही कार्यक्रम अन्तर्गत ओलम्पिक कमिटीले आर्चरी संघलाई कार्यक्रम आयोजनाको जिम्मेवारी दिएको हो।

प्रकाशित मिति: बुधबार, असार ६, २०७५ २१:०६