ट्राईयाथलन निर्णायक आशिष आबुधावी प्रस्थान

राखेप/एनओसी

Home
राखेप/एनओसी
ट्राईयाथलन निर्णायक आशिष आबुधावी प्रस्थान

ट्राईयाथलन निर्णायक आशिष आबुधावी प्रस्थान

खेलकुद मञ्‍च 2076-11-7

काठमाडौं, फागुन ७ । अबुधावीमा आयोजना हुने विश्व ट्राईयाथलन सेरिज रेस २०२० मा निर्णायकको भूमिका निर्वाह गर्न नेपाली ट्राईयाथलन निर्णायक आशिष कुल आज त्यसतर्फ प्रस्थान गरेका छन् । उनी अबुधावी खेलकुद परिषद्को निमन्त्रणमा त्यसतर्फ प्रस्थान गरेका हुन् ।

बिश्वस्तरको प्रतियोगितामा सहभागी हुने निर्णायक कुल पहिलो निर्णायक समेत बनेका छन् । अन्तर्राष्ट्रिय ट्राईयाथलन युनियनको आयोजनामा अबुधावीको यास आईल्याण्डमा हुने सिरिज रेस फागुन २२ देखि २४ गतेसम्म संचालन हुने छ । त्यसभन्दा अगाडी निर्णायक कुलले प्रतियोगिताका दौरान आयोजना हुने निर्णायक परिक्षामा सहभागिता जनाउने छन् । उनले लेभल वान कोर्ष उत्तीर्ण गरेका छन् । साथै, उनी फागुन ३० देखि चैत्र २ गतेसम्म विश्व ट्राईयाथलन युनियनको तत्वावधानमा अष्ट्रेलियामा आयोजना हुने २०२० मुलुलावा आईटियु वल्र्ड कप ट्राईयाथलनमा पनि सहभागी हुने छन् । उनी दुबईबाट नै अष्ट्रेलिया प्रस्थान गर्ने छन् ।

प्रकाशित मिति: बुधबार, फागुन ७, २०७६ १९:०२