काठमाडौं । नेपाल प्रिमियर लिग (एनपीएल) सिजन–२ मा काठमाण्डु गोर्खाजलाई हराउँदै लुम्बिनी लायन्स दोस्रो क्वालिफायरमा प्रवेश गरेको छ । बुधबार सम्पन्न खेलमा काठमाण्डुलाई ४ विकेटले हराउँदै लुम्बिनी दोस्रो क्वालिफायरमा प्रवेश गरेको हो ।
भोलि बिहीबार दिउँसो ४ बजे हुने क्वालिफायर २ मा लुम्बिनीले फाइनल प्रवेशका लागि विराटनगर किंग्ससँग खेल्नेछ । सुदूरपश्चिम रोयल्सले हिजो मंगलबार भएको पहिलो क्वालिफायरमा विराटनगरलाई ७७ रनले हराउँदै फाइनलमा स्थान बनाइसकेको छ ।
पराजित काठमाण्डुको यात्रा भने यहीँ सकिएको छ । काठमान्डुले जितका लागि दिएको १ सय १२ रनको लक्ष्य पछ्याएको लुम्बिनीले १७ आभेर ४ बलमा ६ विकेट गुमाएर भेटायो । लुम्बिनीका लागि ओपनर डार्सी सर्टले सर्वाधिक ३३ रन बनाए ।
सन्दीप जोरा २३ रन, कप्तान रोहितकुमार पौडेल १८ रन, निरोशन डिक्वेला १४ रन, दिलिप नाथ ७ रन र दीनेश अधिकारी ४,रनमा आउट भएका थिए ।
रुवेन ट्रम्पलम्यान ५ रनमा अविजित रहे । बलिङमा काठमान्डुका लागि सन्तोष यादवले २ विकेट तथा सन्नी पटेल, शाहब आलम, कप्तान करण केसी र राशिद खानले समान १/१ विकेट लिएका थिए ।
त्यसअघि टीयु क्रिकेट मैदानमा टस जितेर पहिला ब्याटिङ गरेको काठमाण्डु १९ ओभर ओभर १ बलमा १ सय ११ रनमा अलआउट भएको थियो । काठमाण्डुका लागि सन्तोष यादवले सर्वाधिक २३ रन बनाए ।
जोन सिम्पसन र मोहम्मद आदिल आलम समान १८/१८ रन, भीम सार्की १४ रन, कप्तान करण केसी ९ रन, सन्नी पटेल ७ रन, वेन चाल्र्सवर्थ ४ रन, मिलिन्द कुमार र रसिद खान समान २/२ रन र ओपनर आकाश त्रिपाठी १ रनमा आउट भएका थिए ।
शाहव आलम ४ रनमा अविजित रहे । बलिङमा लुम्बिनीका लागि कप्तान रोहित पौडेल र शेर मल्लले समान ३/३ विकेट लिएका थिए । रुवेन ट्रम्पलम्यानले २ विकेट तथा अभिषेश गौतमले १ विकेट लिए ।
-1767101610.jpg)
-1767095433.JPG)
-1766574885.jpg)
-1766834293.jpg)
-1766573006.jpg)
