काठमाडौं । नेपाल प्रिमियर लिग (एनपीएल) सिजन–२ मा कर्णाली याक्ससँग पराजित साविक विजेता जनकपुर बोल्ट्सले पूछारमा रहेर सिजनको अन्त्य गरेको छ । आइतबार लिग चरणको अन्तिम खेलमा कर्णालीले जनकपुरमाथि तीन रनको रोमाञ्चक जित हासिल गरेको हो ।
जितसँगै ७ खेलबाट ४ अंक जोडेर कर्णाली याक्सले छैटौं स्थानमा रहँदै यो सिजनको एनपीएल सकेको छ । कर्णालीले जितका लागि दिएको १ सय ३० रनको सामान्य लक्ष्य पछ्याएको जनकपुरले २० ओभरमा ७ विकेट गुमाएर १ सय २६ रन मात्रै बनाउन सक्यो ।
जनकपुरका लागि संजय कृष्णमूर्तीले ३९ बलमा १ चौका र ४ छक्कासहित सर्वाधिक ५१ रन बनाए । संगित कुरेले २५ रन, ओपनर माज सदाकतले १२ रन र कप्तान जान निकलले १३ रन बनाउँदा जनकपुरका अन्य ब्याटरले दोहोरो अंकमा रन बनाउन सकेनन् ।
बलिङमा कर्णालीका लागि विलियम बोसिष्टोले सर्वाधिक २ विकेट लिए । मार्क वार्ट, पवन सराफ, नन्दन यादव र कप्तान सोमपाल कामीले समान १/१ विकेट लिएका थिए ।
त्यसअघि टीयु क्रिकेट मैदानमा टस हारेर ब्याटिङको निम्तो पाएको कर्णालीले २० ओभरमा ९ विकेट गुमाएर १ सय २९ बनाएको थियो । कर्णालीका लागि ओपनर इम्रान शेखले २३ बलमा १ चौका र १ छक्कासहित सर्वाधिक ३३ रन बनाएका थिए ।
गुलसन झाले २० बलमा १९ रन, प्रियांक पञ्चालले १६ रन, विलियन बोसिस्टोले १५ रन, नजिबुल्लाह जद्रानले १३ रन बनाउँदा कप्तान सोमपाल कामीले अविजित १८ रन बनाएका थिए ।
बलिङमा जनकपुरका लागि ललित राजवंसी र आदित्य महताले समान २/२ विकेट लिए । माज सदाकत, संगित कुरे र अनिल कुमार शाहले समान १/१ विकेट लिएका थिए ।
-1765122098.jpg)
-1764671270.jpg)
-1763641213.JPG)
-1764256991.jpg)
-1764240941.jpg)
