काठमाडौं । नेपाल प्रिमियर लिग (एनपीएल) सिजन–२ मा पोखरा एभेन्जर्सले पाँचौं स्थानमा रहँदै सिजनको अन्त्य गरेको छ । पोखराले शनिबार अन्तिम खेलमा चितवन राइनोजलाई ८ विकेटले हराउँदै दोस्रो सिजनको अन्त्य गरेको हो ।
चितवनले जितका लागि दिएको १ सय २१ रनको सामान्य लक्ष्य पोखराले १९ ओभर ४ बलमा २ विकेट गुमाएर पूरा गर्याे । पोखराको लागि एडम वासिंटनले ४८ बलमा ४ चौका र ५ छक्कासहित सर्वाधिक ६५ रन बनाए ।
पोखाराका लागि अन्तिम खेलमा मौका पाएका अर्जुन कुमालले ५३ बलमा २ चौका र १ छक्कासहित अविजित ४३ रन बनाए । एडम र अर्जुनले पहिलो विकेटका लागि सय रनको साझेदारी गरेका थिए ।
कप्तान कुशल भुर्तेल ४ रनमा आउट हुँदा जासन रोयले अविजित ६ रन बनाए । बलिङमा चितवनका लागि सैफ जैइव र रिजन ढकालले समान १/१ विकेट लिएका थिए ।
त्यसअघि टीयु क्रिकेट मैदानमा टस जितेर ब्याटिङ गरेको चितवनले निर्धारित २० ओभरमा ६ विकेट गुमाएर १ सय २० रन बनाएको थियो । चितवनका लागि देव खनालले सर्वाधिक ३५ रन बनाए ।
अल्पेश रामजानीले ३३ रन, कप्तान कुशल मल्लले २३ रन र सैफ जैइवले १७ रन बनाएका थिए । बलिङमा पोखराका लागि धनन्जय लक्षनले सर्वाधिक ३ विकेट लिए । विपिन खत्री, रोहित चन्द र किरण ठगुन्नाले समान १/१ विकेट लिएका थिए ।
पोखराले ७ खेलमा ४ हार र ३ जित निकालेर ६ अंक सहित पाँचौं स्थानमा रहँदै एनपिएल दोस्रो सिजनको अन्त्य गरेको छ । गत संस्करणमा प्लेअफमा पुगेको चितवनले ७ खेलमा ५ हार र २ जित सहित ४ अंकका साथ दोस्रो सिजनको अन्त्य गरेको हो ।
-1765033210.jpg)
-1763641213.JPG)
-1764256991.jpg)
-1764240941.jpg)