काठमाडौं । नेपाल प्रिमियर लिग (एनपीएल) सिजन–२ मा जनकपुर बोल्ट्सले पहिलो जित निकालेको छ । मंगलबार सम्पन्न खेलमा जनकपुरले चितवन राइनोजमाथि ६ विकेटको सानदार जित निकालेको हो ।
चितवनले जितका लागि दिएको १ सय ७७ रनको लक्ष्य पछ्याएको जनकपुरले १७.३ ओभरमा ४ विकेट गुमाएर पूरा गर्यो । जनकपुरका लागि माज सदाकतले ३० बलमा ६ चौका र ४ छक्कासहित सर्वाधिक ६३ रन बनाए ।
अनिल शाहले ३६ बलमा ४ चौका र ३ छक्कासहित ६१ रन बनाएका थिए । दोस्रो विकेटको लागि माज सदाकत र अनिल शाहले ७९ रनको साझेदारी गरेका थिए ।
आसिफ शेख १६ रन र जोन निकोल लोफ्टी इन्टन ११ रनमा आउट भए । आदित्य मेहता १८ रन र सन्जय कृष्णमुर्ती ५ रनमा अविजित रहेका थिए । बलिङमा चितवनका लागि सोहिल तन्विर, कमलसिह ऐरी र अमरसिंह रौटेलाले समान १/१ विकेट लिएका थिए ।
त्यसअघि टीयु क्रिकेट मैदानमा टस जितेर पहिला ब्याटिङ गरेको चितवनले निर्धारित २० ओभरमा ४ विकेट गुमाएर १ सय ७६ रन बनाएको थियो । चितवनका लागि ओपनर डेविड मलानले ५४ बलमा ४ चौका र ५ छक्कासहित सर्वाधिक ८० रन बनाए ।
अर्जुन साउदले ३९ बलमा ४ चौका र ३ छक्कासहित ५२ रन बनाए । डेविड मलानले अर्जुन साउदसँग पहिलो विकेटका लागि १ सय १२ रनको साझेदारी गरेका थिए ।
कप्तान कुशल मल्ल ३० रन र अमरसिंह रौटेला एक रनमा अविजित रहेका थिए । बलिङमा जनकपुरका लागि अनिल शाह, माज सदाकत, रुपेश सिंह र जोन निकोल लोफ्टी इन्टनले समान १/१ विकेट लिएका थिए ।
चितवन र जनकपुर दुवैको यो पाँचौं खेल हो । साविक विजेता जनकपुरले पाचौं म्याचमा आइपुगेर २ अंक छ । ३ हार २ खेल जितेको चितवनको ४ अंक छ । आजको दोस्रो खेल पोखरा एभेन्जर्स र कर्णाली याक्सबीच हुनेछ ।
-1766402096.jpg)
-1765806828.JPG)
-1766244925.jpg)
-1764256991.jpg)
-1764240941.jpg)
