काठमाडौं । सुदूरपश्चिम रोयल्स नेपाल प्रिमियर लिग (एनपीएल) सिजन–२ को प्लेअफमा स्थान बनाउने पहिलो टोली बनेको छ । शनिबार सम्पन्न खेलमा जनकपुर बोल्ट्सलाई ६ विकेटले हराउँदै सुदूरपश्चिमले प्लेअफमा स्थान पक्का गरेको हो ।
अपराजित सुदूरपश्चिमले प्रतियोगितामा पाँचौँ जित दर्ता गरेको छ । जनकपुरले जितका लागि दिएको १ सय ४६ रनको लक्ष्य सुदूरपश्चिमले १७ ओभर ४ बलमा ४ विकेट गुमाएर पूरा गर्यो ।
सुदूपश्चिमका लागि इसान पाण्डेले ३५ बलमा ८ चौका र १ छक्कासहित सर्वाधिक ५६ रन बनाए । ओपनर विनोद भण्डारीले ४२ रन बनाए । इसान र विनोदले तेस्रो विकेटको लागि ९२ रनको साझेदारी गरेका थिए ।
कप्तान दीपेन्द्रसिंह ऐरी १० रन र हर्मित सिंह २५ रनमा अविजित रहे । बलिङमा जनकपुरका लागि माज सदाकतले २ विकेट तथा सञ्जय कृष्णमूर्ति र आदित्य मेहताले समान १/१ विकेट लिएका थिए ।
त्यसअघि, टीयु क्रीकेट मैदानमा टस जितेर पहिला ब्याटिंग गरेको जनकपुरले निर्धारित २० ओभरमा ८ विकेट गुमाएर १ सय ४५ रन बनाएको थियो । जनकपुरका लागि सञ्जय कृष्णमूर्तिले ३८ बलमा ४ चौका र २ छक्कासहित सर्वाधिक ५० रन बनाएका थिए ।
जोन निकोल लोफ्टी इटोनले ३९ रन, आदित्य मेहता १५ रन, वायन पार्नेल १४ रन र माज सदक्वात १२ रन बनाउँदा जनकपुरका अन्य ब्याटरले दोहोरो अंकमा रन बनाउन सकेनन् ।
बलिङमा सुदूरपश्चिमका लागि अभिनास बोहोराले ४ ओभरमा ३० रन दिएर सर्वाधिक ४ विकेट लिए । स्क्ट केगुइलिनले ३ विकेट लिँदा कप्तान दीपेन्द्र सिंह ऐरीले १ विकेट लिएका थिए ।
अपराजित सुदूरपश्चिम ५ खेलमा १० अंक बनाएको छ । साविक विजेता जनकपुर लगातार चौथो खेलमा हार ब्यहोरेसँगै प्लेअफमा पुग्ने सम्भावना कठिन भएको छ । भोलिको खेल दिउँसो ४ बजे काठमाडौं गोर्खाज र कर्णाली याक्सबीच हुनेछ ।
-1764430162.JPG)
-1764419317.JPG)
-1764347222.jpeg)
-1764240941.jpg)
-1764256991.jpg)
-1763979719.jpg)
-1763641213.JPG)
