काठमाडौं । नेपाल प्रिमियर लिग (एनपीएल) सिजन–२ मा साबिक उपविजेता सुदूरपश्चिम रोयल्सले लगातार दोस्रो जित निकालेको छ । शुक्रबार सम्पन्न खेलमा सुदूरपश्चिमले पोखरा एभेन्जर्सलाई १८ रनले पराजित गरेको हो ।
सुदूरपश्चिमले दिएको १ सय ९४ रनको लक्ष्य पछ्याएको पोखराले २० ओभरमा ८ विकेट गुमाएर १ सय ७५ रन मात्र बनाउन सक्यो । पोखराका लागि कप्तान कुशल भुर्तेलले ३२ बलमा ४ चौका र ४ छक्कासहित सर्वाधिक ५३ रनको अर्धसतकीय पारी खेलेका थिए । जिम्मी निशमले २५ बलमा २ चौका र ५ छक्कासहित ४७ रनको योगदान दिए ।
डान डाउथवेटले ३७ रन, किरण ठगुन्ना ९ रन, सुमीत वर्मा ६ रन, दीनेश खरेल ६ रन, एडम रोसिङटोन १ रन र अभिषेख तिवारी ३ रनमा आउट भएका थिए । आकाश चन्द १ रन र विपिन खत्री ७ रनमा अविजित रहे ।
सुदूरपश्चिमका लागि हर्मित सिंहले सर्वाधिक २ विकेट लिए । हेमन्त धामी, अविनाश बोहरा, कप्तान दीपेन्द्रसिंह ऐरी, नरेन साउद र स्कट कुगेलेइनले समान १/१ विकेट लिएका थिए ।
त्यसअघि, टीयु क्रिकेट मैदानमा टस हारेर पहिला ब्याटिङ गरेको सुदूरपश्चिमले निर्धारित २० ओभरमा ७ विकेट गुमाउदै १ सय ९३ रन बनाएको थियो । सुदूरपश्चिमका लागि जोश ब्राउनले ३५ बलमा ६ चौका र ५ छक्कासहित सर्वाधिक ६८ रन बनाए ।
विनोद भण्डारीले ४२ बलमा ६ चौकासहित ४३ रन बनाए । ब्राउन र विनोदले पहिलो विकेटका लागि १ सय ८ रनको साझेदारी गरेका थिए । क्रीस लिन १३ बलमा ४ चौका र २ छक्कासहित ३१ रन, कप्तान दीपेन्द्रसिंह ऐरी १० बलमा १ चौका र १ छक्कासहित १५ रन, स्कट कुइगेलेन ८ रन र हर्मीत सिंह ४ रनमा आउट भए ।
इशान पाण्डे ६ रन तथा नरेन साउद ४ रनमा अविजित रहेका थिए । बलिङमा पोखराका लागि जिम्मी निशमले सर्वाधिक ३ विकेट लिए । आकाश चन्द र विपिन खत्रीले समान २/२ विकेट लिएका थिए ।
जितसँगै २ खेलबाट ४ अंक जोडेको सुदूरपश्चिम अंक तालिकाको शीर्ष स्थानमा उक्लिएको छ । सुदूरपश्चिमले आफ्नो पहिलो खेलमा काठमाडौं गोर्खाजलाई २९ रनले पराजित गरेको थियो ।
एनपीएल सिजन–२ मा पोखराको यो लगातार दोस्रो हार हो । पोखरा पहिलो खेलमा विराटनगर किंग्ससँग ५३ रनले पराजित भएको थियो । भोलि पहिलो खेल लुम्बिनी लायन्स र कर्णाली याक्सबीच तथा दोस्रो खेल काठमाडौं गोखार्ज र विराटनगर किंग्स बीच हुनेछ ।
-1763738208.JPG)
-1763641213.JPG)
-1763212170.JPG)
-1761497521.jpg)
