काठमाडौं । नेपाल प्रिमियर लिग (एनपीएल) सिजन–२ को दोस्रो दिनको पहिलो खेलमा चितवन राइनोजले कर्णाली याक्सलाई पराजित गरेको छ । मंगलबार सम्पन्न खेलमा चितवनले कर्णालीलाई ४ विकेटले पराजित गरेको हो ।
कर्णालीले दिएको १ सय ६७ रनको चुनौतीपूर्ण लक्ष्य पछ्याएको चितवनले १९ ओभर १ बलमा ६ विकेट गुमाएर पूरा गर्यो । चितवनका लागि रवि वोपराले ३६ बलमा ३ चौका र ३ छक्कासहित ५२ रनको अर्धसतकीय पारी खेलेका थिए ।
यस्तै दीपक बोहराले ४२ रन, सैफ जैबले अविजित ३८ रन र कप्तान कुशल मल्लले २० रनको योगदान दिए । अर्जुन साउद ८ रनमा अविजित रहेका थिए ।
बलिङमा कर्णालीका कप्तान सोमपाल कामीले सर्वाधिक २ विकेटले लिए ।, युनिस सिंह ठकुरी, मार्क वाट र युवराज खत्रीले समान १/१ विकेट लिएका थिए ।
त्यसअघि, टीयु क्रीकेट मैदानमा टस हारेर पहिला ब्याटिङ गरेको कर्णालीले निर्धारित २० ओभरमा ३ विकेट गुमाउँदै १ सय ६६ रन बनाएको थियो । कर्णालीका ओपनर प्रियांक पन्चालले ४८ बलमा ७ चौका र ६ छक्कासहित सर्वाधिक ९० रन बनाएका थिए ।
ओपनर म्याक्स ओ डाउड २० रन र मार्क वाट १६ रनमा आउट भएका थिए । पवन सरार्फ २७ रन र नजिबुल्लाह जद्रान ४ रनमा अविजित रहे । बलिङमा चितवनका शोहिल तन्विर, रवि बोपारा र सैफ जैबले समान १/१ विकेट लिएका थिए ।
जितसँगै चितवन राइनोजले २ अंक बनाएको छ । कर्णाली याक्सले हारबाट एनपिएल सिजन–२ को सुरुवात गरेको छ । आज हुने दोस्रो खेल विराटनगर किंग्स र पोखरा एभेन्जर्सबीच हुनेछ ।
-1763394702.JPG)
-1763393327.JPG)
-1763212170.JPG)
-1763299115.JPG)
-1761497521.jpg)
