काठमाडौं । आइसिसी विश्वकप क्रिकेट लिग-२ अन्तर्गतको त्रिकोणात्मक एकदिवसीय शृङ्खलामा नेपाल घरेलु टोली युएईसँग पराजित भएको छ । बिहीबार सम्पन्न खेलमा नेपाल यूएईसँग ५ विकेटले पराजित भएको हो ।
दुबईस्थित आईसीसी एकेडेमीमा नेपालले जितको लागि दिएको २ सय ३४ रनको लक्ष्य पछ्याएको यूएईले ४३ ओभर ३ बलमा ५ विकेट गुमाएर पूरा गर्यो ।
युएईका लागि आर्यन्श शर्माले ९८ बलमा १० चौका र ३ छक्कासहित सर्वाधिक ९८ रन बनाएका थिए । अलिसान सराफुले २६ बलमा ६ चौका र ३ छक्कासहित ४५ रन बनाए । मोहम्मद वासिमले २६ रन, ध्रुव पराशरले अविजित १६ रन, कप्तान राहुल चोपारा (रिटायर्ड हर्ट) ले १५ रन, हर्षीत कौशिकले १३ रन र जाहिद अलीले अविजित ११ रनको योगदान दिए ।
नेपालका लागि बलिङतर्फ सन्दीप लामिछानेले १० ओभरमा ३४ रन खर्चिएर सर्वाधिक २ विकेट लिए । करण केसी र दीपेन्द्र सिंह ऐरीले समान १/१ विकेट लिएका थिए ।
.jpg)
त्यसअघि टस जितेर पहिला ब्याटिङ थालेको नेपालले निर्धारित ५० ओभरमा सबै विकेट गुमाउँदै २ सय ३३ रनको योगफल बनाएको थियो । नेपालका लागि कप्तान रोहित पौडेलले शतक प्रहार गरे । रोहितले १३० बलमा ५ चौका र २ छक्कासहित १०९ रनको योगदान दिए । उनको यो करिअरको दोस्रो शतक हो ।
यसैगरी आसिफ शेखले ३५ रन, आरिफ शेखले २७ रन, दीपेन्द्रसिंह ऐरीले २३ रन, करण केसीले १३ रन कुशल भुर्तेलले ७ रन, सोमपाल कामीले ६ रन र भीम सार्कीले ३ रन बनाएका थिए । सन्दीप लामिछाने ३ रनमा अविजित रहे ।
युएईका लागि र जाहिद अलीले सर्वाधिक ४ विकेट लिएका थिए । जुनैद सिद्धिकीले ३ विकेट लिए । मोहम्मद रोहिद र हैदर अलीले समान १/१ विकेट लिएका थिए ।
हारसँगै १८ खेलमा १२ अंक जोडेको नेपाल सातौं स्थानमा छ । युएई समान खेलबाट ८ अंकका साथ पुछारमा छ । नेपाल जारी प्रतियोगिताको पहिलो खेलमा अमेरिकासँग १ सय ६ रनले पराजित भएको थियो । अब नेपालले शनिबार अमेरिका र बुधबार युएईसँग खेल्नेछ ।
-1761818974.jpg)
-1761753713.jpg)
-1761497521.jpg)
