कप्तान रोहितको शतकमा नेपालले युएईलाई दियो २३४ रनको लक्ष्य

क्रिकेट

Home
क्रिकेट
कप्तान रोहितको शतकमा नेपालले युएईलाई दियो २३४ रनको लक्ष्य

कप्तान रोहितको शतकमा नेपालले युएईलाई दियो २३४ रनको लक्ष्य

खेलकुद मञ्‍च बिहीबार, कात्तिक १४, २०८२

काठमाडौं । आइसिसी विश्वकप क्रिकेट लिग-२ अन्तर्गतको त्रिकोणात्मक एकदिवसीय शृंखलामा नेपालले घरेलु टोली संयुक्त अरब इमिरेट्स (युएई) सामू २ सय ३४ रनको लक्ष्य प्रस्तुत गरेको छ । दुबईस्थित आईसीसी एकेडेमीमा टस जितेर पहिला ब्याटिङ गरेको नेपालले निर्धारित ५० ओभरमा सबै विकेट गुमाउँदै २ सय ३३ रन बनायो ।

नेपालका लागि कप्तान रोहित पौडेलले शतक प्रहार गरे । रोहितले १३० बलमा ५ चौका र २ छक्कासहित १०९ रनको योगदान दिए । उनको यो करिअरको दोस्रो शतक हो । यसअघि उनले २५ मार्च २०२२ मा कीर्तिपुरमा भएको खेलमा पपुवा न्यू गिनीविरुद्ध १२६ रनको इनिङ्स खेलेका थिए ।

यसैगरी आसिफ शेखले ३५ रन, आरिफ शेखले २७ रन, दीपेन्द्रसिंह ऐरीले २३ रन, करण केसीले १३ रन कुशल भुर्तेलले ७ रन, सोमपाल कामीले ६ रन र भीम सार्कीले ३ रन बनाएका थिए । सन्दीप लामिछाने ३ रनमा अविजित रहे ।

युएईका लागि र जाहिद अलीले सर्वाधिक ४ विकेट लिएका थिए । जुनैद सिद्धिकीले ३ विकेट लिए । मोहम्मद रोहिद र हैदर अलीले समान १/१ विकेट लिएका थिए । दुवै टोली पहिलो जितको लक्ष्यमा छन् । पहिलो खेलमा नेपाल र युएई अमेरिकासँग पराजित भएका थिए ।

प्रकाशित मिति: बिहीबार, कात्तिक १४, २०८२ १५:१०