चितवन । नेपाल प्रिमियर लिग (एनपिएल) टोली चितवन राइनोजले जर्सी सार्वजनिक गरेको छ । सोमबार साँझ सिरैचुली होटलमा आयोजित एक कार्यक्रममा नेपाल प्रिमियर लिग फ्रेन्चाइज चितवन राइनोजले सबै महानुभावहरुको उपस्थितिमा जर्सी, गाना र मस्कट सार्वजनिक गरेको हो ।
भरतपुर महानगरपालिका प्रमुख रेनु दाहाल, चितवन मेडिकल कलेजका प्रबन्ध निर्देशक प्रा.डा.हरिशचन्द्र न्यौपाने, चितवनका प्रमुख जिल्ला अधिकारी प्रकाश पौडेल, चितवन राइनोज क्लबका अध्यक्ष आयुष न्यौपाने, टिम प्रशिक्षक उमेश पटयाल, खेलाडी कुशल मल्लसहितले संयुक्त रूपमा जर्सी सार्वजनिक गरेका हुन् । कार्यक्रममा एकसिङ्गे गैँडाको मस्कट, पञ्चेबाजासहित टोलीका खेलाडीले जर्सी लगाएर सार्वजनिक गरिएको थियो । चितवन मेडिकल कलेजको स्वामित्वमा रहेको चितवन राइनोज टिमको ‘थिम सङ’ पनि सोमबार सार्वजनिक गरिएको छ ।
कार्यक्रममा भरतपुर महानगरपालिका प्रमुख दाहालले महानगरले खेल र खेलाडीलाई सदैव प्रोत्साहन गर्ने बताइन् । दक्ष र क्षमतावान खेलाडी जन्माउन महानगरले खेलक्षेत्रमा लगानी बढाइरहेको उनको भनाइ थियो ।
चितवन राइनोजका मार्की खेलाडी मल्लले खेल जित्ने उच्च मनोबलका साथ लागिरहेको बताए । चितवन राइनोज क्लबका अध्यक्ष न्यौपानेले टिमले क्षमतावान खेलाडीलाई समावेश गरेकाले खेल जित्ने दाबी गरे । यो टिममा कुशल मल्ल, अमरसिंह रौतेला, विपिन रावल, दीपक बोहरा, दिपेश श्रेष्ठ, गौतम केसी, कमलसिंह ऐरी, रञ्जितकुमार, रिजन ढकाल, सन्तोष कार्की, शरद भेस्वाकर छन् । टिमले विदेशी खेलाडी रवि बोपरा, मर्साडी लङ्गा, ल्यूक मार्टिन बेनकेन्स्टाइन, हसन इसाखिल, जान निकोल लोफ्टी-इटनलाई पनि समावेश गरेको छ ।
चितवनमा सन् १९९४ मा गठित चितवन राइनो क्रिकेट क्लबका तत्कालीन कप्तान मनिष सापकोटा र अन्य खेलाडीलाई चितवन राइनोजको जर्सी उपलब्ध गराउनुका साथै राइनो क्लबले त्यो समयमा खेल्ने गरेको पुरानो ब्याट चितवन राइनोजलाई उपहार दिएको थियो ।
जर्सी, गाना र मस्कटको विवरण:
जर्सी: जर्सीको रंगले एकसिङ्गे गैंडाको रंग (हल्का खैरो)को प्रतिनिधित्व गर्छ । गैंडाको शक्ति, गति, छिटो, शान्ति-मायालु र प्रकृतिमैत्री संकेत गर्दै जर्सीले एकसिङ्गे गैँडाको संरक्षणलाई पनि जनाउँछ । सुन्तला रङले चितवनबाट देख्न सक्ने जीवन्त सूर्यास्त र सूर्योदयलाई जनाउँछ र चितवनका बाघहरूको रंगलाई जनाउछ । अन्त्यमा कालो रङले रंगहरूको मिश्रणलाई प्रतिनिधित्व गर्दछ ।
मस्कट: नेपाली खेलकुद डायस्पोरामा मस्कटहरूले क्रान्तिकारी प्रतिनिधित्व गर्छ । मिस्टर गैडाको रूपमा नामाकरण गरिएको मस्कटले नम्बर दिनेछ । जुन ५६ नम्बर चितवनको फोन कोड हो, यसले एकताले समृद्ध चितवनको पहिचानलाई जनाउँछ ।
.jpeg)
गाना: चितवनको पहिचान, समुदाय र नेपाली क्रिकेटमा नयाँ युगको सुरुवात गर्ने खेलकुद टोलीको रोमाञ्चकतालाई समेट्ने एउटा गुजबम्प्स गीत रहेको छ ।
-1761818974.jpg)
-1761497521.jpg)
