काठमाडौं । एसिसी एसिया कपअन्तर्गत नेपाल डकवर्थ लेविस (डीएलएस) पद्धतिको आधरमा भारतसँग पराजित भएको छ । श्रीलंकाको पालेकले अन्तर्राष्ट्रिय क्रिकेट रंगशालामा सोमबार सम्पन्न खेलमा नेपाल क्रिकेटमा महारथ प्राप्त मुलुक भारतसँग १० विकेटले पराजित भएको हो ।
जितसँगै भारतले दुई खेलमा तीन अंक जोडेर समूह ‘ए’ बाट सुपर चारमा स्थान बनायो भने यता नेपाल भारतसँग प्रतिस्पर्धात्मक हार व्यहोर्दै अंकविहिन बनेर एसिया कपको समूह चरणबाटै बाहिरिएको छ । नेपाल पहिलो खेलमा पाकिस्तानसँग २३८ रनको पराजित भएको थियो ।
श्रीलंकाको पालेकले रंगशालामा भारी वर्षा भएपछि करिव २ घण्टा रोकिएको खेलमा डीएलएस मेडथका आधारमा २३ ओभरमा झारिएको खेलमा भारतले पाएको १४५ रनको लक्ष्य २० ओभरमा १ बलमा बिना विकेट लक्ष्य पूरा गरेको हो ।
भारतका लागि कप्तान रोहित शर्माले ५९ बलमा ६ चौका र ५ छक्कासहित सर्वाधिक ७४ रनको योगदान गरे । यसैगरी शुभमन गिलले ६२ बलमा ८ चौका र १ छक्कासहित ६७ रन बनाएका थिए । नेपालका कुनै पनि बलरले यी दुई ओपनरबीचको १४५ रनको अविजित साझेदारी तोड्न सकेनन् ।
त्यसअघि, टस हारेर पहिला ब्याटिङको निम्तो पाएको नेपाल ४८.२ ओभरमा २ सय ३० रनमा अल आउट भएको थियो । नेपालका लागि ओपनर आसिफ शेखले ९७ बलमा ८ चौकासहित सर्वाधिक ५८ रनको अर्धशतकिय पारी खेले । एकदिवसीय अन्तर्राष्ट्रियमा आसिफको यो १०औँ अर्धशतक थियो ।
कुशल भुर्तेल, आसिफ शेख र सोमपाल कामीको राम्रो ब्याटिङमा नेपालले भारतलाई उक्त रनको प्रतिस्पर्धात्मक लक्ष्य दिएको हो । नेपाललाई ओपनर आसिफ शेख र कुशल भुर्तेलले पहिलो विकेटका लागि ९.५ ओभरमा ६५ रनको साझेदारी गर्दै राम्रो सुरुवात दिलाएका थिए ।
तिब्र गतिका बलर शार्दुल ठाकुरको बलमा कुशल एज लाग्दै आउट हुन पुगे । त्यसपछि नेपालले राम्रो साझेदारी गर्न सकेन । त्यसअघि नेपाली ओपनरले तीन जीवनदान पाएका थिए । कुशल भुर्तेललाई दोस्रो ओभरमै श्रेयस ऐरले फस्ट स्लिपमा एक र ईशान किशनले ७ रनमा छाडेका थिए ।
त्यस्तै आसिफ शेखलाई एक रनमा विराट कोहलीले एक्स्ट्रा कभरमा क्याच छाड्दै जीवनदान दिएका थिए । तीन जीवनदान पछि नेपाली ओपनरले आक्रामक ब्याटिङ थालेका थिए । कुशल भुर्तेलले २५ बलमा ३ चौका र २ छक्कासहित ३८ रन जोडे । स्पिनर रविन्द्र जडेजाको बलमा भीम सार्की इनसाइड एज लाग्दै ७ रनमा बोल्ड आउट हुन पुगेका थिए ।
स्पिनर रविन्द्र जडेजाको बलमा कप्तान रोहित पौडेल एज लागेर कप्तान रोहित शर्माबाट क्याच आउट हुन पुगे । जडेजाको बलमा कुशल मल्ल ठूलो सट खेल्ने धुनमा मिडअफमा २ रनमा क्याच आउट भएका थिए । कुशल मल्ल आउट हुँदा नेपाल १०१–४ को अवस्थामा थियो । गुलशन झा शिराजको बलमा २३ रनमा कट बिहाइन्ड हुन पुगे । गुलशनले ३५ बलमा ३ चौका प्रहार गरेका थिए ।
सातौं विकेटका लागि ३१.५ ओभरमा १४४–६ को अवस्थामा पुगेको नेपाललाई सोमपाल कामी र दीपेन्द्रसिंह ऐरीले ५० रनको साझेदारी गर्दै २ सय रन पार गराएका थिए । दीपेन्द्र २५ बलमा ३ चौकासहित २९ रनमा हार्दिक पान्ड्याको बलमा एलबीडब्लू आउट भएका थिए । सोमपाल कामीले ५६ बल खेल्दै १ चौका र २ छक्कासहित ४८ रनको योगदान गरे । सन्दीप लामिछाने ९ रनमा रन आउट भए । करण केसी २ रनमा नटआउट रहेका थिए ।
भारतका लागि रविन्द्र जडेजाले १० ओभरमा ४० रन खर्चेर ३ विकेट लिएका थिए । मोहम्मद शिराजले ९.२ ओभरमा १ मेडनसहित ६१ रन खर्चेर ३ विकेट लिए । मोहम्मद शामी, शार्दुल ठाकुर र हार्दिक पान्ड्याले समान १/१ विकेट लिएका थिए ।
वर्षाले प्रभावित खेल भारतले जित्यो, मन चाहिँ नेपालले
एसिया कप क्रिकेटमा नेपालले बलियो टोली भारतसँग खेल्दा रिजल्ट अनुमान योग्य थियो । महारथ प्राप्त विश्व च्याम्पियन भइसकेको, एकदिवसीय क्रिकेटमा हजार ३४ खेल खेलेको मुलुक भारतलाई नेपालले हराउने अपेक्षा थिएन ।
खासगरी मोहम्मद शामी, मोहम्मद सिराज र हार्दिक पाण्डे लगायतका विश्व स्तरका भारतीय बलरहरुलाई नयाँ ब्याट्सम्यानहरुले जसरी सामना गरे, त्यो तारिफ योग्य थियो । खेलाडीलाई प्रोत्साहन गर्ने राष्ट्रिय स्वतन्त्र पार्टी (रास्वपा) का सभापति रवि लामिछाने श्रीलंकामा पुगेका थिए ।
नेपाली खेल क्षेत्र र खेलाडीलाई प्रोत्साहन गर्ने सवालमा नेपालका राजनीतिक दल र तिनका शीर्ष नेता अनुदार छन् । सोही शिलशिलामा संसदको चौथो ठुलो राष्ट्रिय दल रास्वपाका अध्यक्ष श्रीलंका पुगेर खेलाडीलाई हौसला बढाएका थिए ।
सिमित स्रोत साधन र लगानीका बाबजुत एसिया कप खेलिरहेको नेपाल र विश्व क्रिकेटमा उदाउँदै गरेको नेपाली टिमको प्रर्दशनलाई विश्वभरबाट प्रशंसा भैरहेको छ । नेपालका कप्तान रोहितकुमार पौडेलले भारतीय ओपनरद्वयको तारिफ गरेका थिए ।
भिजेको फिल्डले पनि असर गरेको खेलमा बलरहरुले पनि राम्रो गरेको रोहितले सुनाए । उनले नेपालको तल्लो अर्डरले पनि पछिल्लो समय राम्रो गरेको भन्दै ‘मध्यक्रममा केही राम्रो गर्न सकिन्थ्यो । हामीलाई ३०/४० रन कम भयो । यदि त्यसो गर्न सकेको भए २६०/२७० रन हुन्थ्यो । रोहितले भने’
-1790615620.jpg)
-1790577148.jpg)
-1789698769.jpg)
