फ्रान्सलार्इ दाेश्राे विश्वकप जिताएका प्रशिक्षक डेसच्याम्पले रचे नयाँ किर्तीमान

WORLD CUP

Home
WORLD CUP
फ्रान्सलार्इ दाेश्राे विश्वकप जिताएका प्रशिक्षक डेसच्याम्पले रचे नयाँ किर्तीमान

फ्रान्सलार्इ दाेश्राे विश्वकप जिताएका प्रशिक्षक डेसच्याम्पले रचे नयाँ किर्तीमान

काठमाडाैं,३२ असार– २० वर्षको अन्तरालमा तेस्रो पटक विश्वकपको फाइनलमा पुगेर दोस्रो उपाधि जितेको फ्रान्सका प्रशिक्षक डिडिएर डेसच्याम्पले अर्को नयाँ कीर्तिमान रचेका छन् ।

हिजाे भएको फाइनलमा क्रोएशियालाई ४-२ गोलले हराएसँगै उनी खेलाडी र प्रशिक्षक दुवैको भूमिकामा विश्वकप जित्ने इतिहासमै तेस्रो व्यक्ति बनेका छन् ।

सबै राम्रा खेलाडी राम्रा प्रशिक्षक बन्न सक्दैनन् भनिन्छ । तर, त्यस उक्तिमा उनी अपवाद बनेका छन् । सन् १९९८ मा घरमै भएको विश्वकपको ट्रफी डेसच्याम्पले उचालेका थिए । डिफेन्सिभ मिडफिल्डका उच्चस्तरीय खेलाडी डेसच्याम्प अहिले प्रशिक्षकका रुपमा फ्रान्सलाई दोस्रो विश्वकप उपाधि दिलाउन सफल भएका छन् ।

४९ वर्षीय डेसच्याम्प सन् १९९८ मा फ्रान्सले पहिलो पटक विश्वकप जित्दा टोलीका कप्तान थिए । उनको नेतृत्वमा साविक विजेता ब्राजिललाई फाइनलमा ३–० ले हराएर फ्रान्सले इतिहास कायम गरेको थियो ।

विश्वकपको बीसौं संस्करणसम्म केवल दुई ब्यक्तिले यो सफलता हात पारेका थिए, ब्राजिलका मारियो जागाल्लो र जर्मनीका फन्स बेकनबउर । जागाल्लोले १९५८ र १९६२ मा खेलाडी र १९७० मा प्रशिक्षकका रुपमा ब्राजिलका लागि विश्वकप उपाधि जितेका थिए । यस्तै १९७४ मा खेलाडीका रुपमा विश्वकप जितेका बेकनबउरले प्रशिक्षक बनेर १९९० मा जर्मनीलाई उपाधि दिलाए ।

प्रकाशित मिति: सोमबार, असार ३२, २०७५ १०:०७