मेक्सिकोका उदीयमान खेलाडी भित्र्याउने बार्सिलोनाको तयारी

अन्तर्राष्ट्रिय

Home
अन्तर्राष्ट्रिय
मेक्सिकोका उदीयमान खेलाडी भित्र्याउने बार्सिलोनाको तयारी

मेक्सिकोका उदीयमान खेलाडी भित्र्याउने बार्सिलोनाको तयारी

खेलकुद मञ्‍च सोमबार, असार ११, २०७५

एजेन्सी, ११ असार – जर्मनीविरुद्धको खेलमा स्कोर हिरो साबित भएका मेक्सिकोका हिर्भिङ लोजानोलार्इ बार्सिलोनाले भित्र्याउने तयारी गरेको छ।

डच क्लब पिएसभीबाट व्यवसायिक फुटबल खेलिरहेका लोजानो विश्वकप फुटबलको पहिलो चरणको खेलमा साबिक विजेता जर्मनीलार्इ मेक्सिकोले झड्का दिँदा एक मात्र गोल स्कोरर रहेका थिए।

उनको खेलबाट अाकर्षित भएर लोजानोका लागि बार्सिलोनाले प्रस्ताव गरेको लोजानकोका बुबाले दाबी गरेका छन्। २२ वर्षिय खुङखार प्रभावशाली खेलाडी लोजानोले गत सिजन डच क्लब पिएसभीमा अाउट स्ट्याण्डिङ पफमर साबित भएका थिए।

उनले क्लबका लागि ३४ खेलमा १९ गोल र ११ असिस्ट अाफ्नो नाममा राखेका थिए। लोजानोका बुबा जेसस लोजानोका अनुसार प्रस्ताव अाए पनि अहिले सम्म केही निर्णय भएको छैन्।

बार्सिलोना मात्र नभइ युवा ट्यालेन्ट लोजानो प्रति इंग्लिस क्लबहरु चेल्सी र म्यानचेस्टर पनि अाकर्षित भएको बताइएको छ।

लोजानोका राष्ट्रिय प्रशिक्षक जुलान कार्लोसले उनका युवा स्टार प्रिमियर लिगमा उदाउनेमा विश्वस्त रहेको बताएका छन्। कार्लोसले भने, 'प्रिमियर लिगमा खेल्नका लागि उनी क्षमता र दक्षता दुबै कुरामा निपुर्ण छन्।'