एजेन्सी, ३ असार – विश्वकप फुटबलको समुह चरणको प्रथम चरण चलिरहँदा अाइतबार राति ११ः४५ बजे समुह 'इ' अन्तर्गत ब्राजिल र स्वीटजरल्याण्ड भिड्दै छन्।
४ पटकको विश्व विजेता ब्राजिलले विश्वकपमा खासै तहल्का मच्चाउन नसकेको स्वीटजरल्याण्डलार्इ सहजै हराउने अनुमान सबैले गरेका छन्। तर, रुसको रोस्तोभ एरेनामा हुने खेलको नतिजा ब्राजिलले सहजै अाफ्नो पक्षमा पार्छ भन्न सकिँदैन।
पछिल्लो समय प्रतिभाशाली खेलाडी उत्पादन जस्ता पक्षमा अगाडी अाइरहेको स्वीटजरल्याण्ड पनि ब्राजिललार्इ रोक्ने क्षमता राख्दछ। फुटबल खेलमा प्राय अनपेक्षित नतिजा अाउँछ भन्ने कुरालार्इ अर्जेन्टिना र अाइसल्याण्डबीचको खेलको नतिजाले प्रष्ट्याइसकेको छ।
१९५८, १९६२, १९७०, १९९४ र २००२का संस्करणको विजेता ब्राजिल २००२ पछिका संस्करणमा प्रभावशाली साबित हुन सकेको छैन। युरोपियन छनाैट चरणमा पोर्चुगलसँगै समुह 'बी'मा रहेको स्वीटजरल्याण्डले २१ मध्ये ११ विश्वकपमा सहभागिता जनाए पनि क्वाटरफाइनल भन्दा माथिको यात्रा तय गर्न सकेको छैन।
२००६ मा जर्मनीले अायोजना गरेको प्रतियोगिता पश्चात लगातार छनाैट भइरहेको स्वीटजरल्याण्डको यस पटक अन्तिम १६ सम्मको यात्रा नै कठिन मानिएको छ।
सर्बिया, कोस्टारिका र ब्राजिल पनि उसको समुहमा रहेका कारण अन्तिम १६का लागि निकै संघर्ष गर्नु पर्ने हुन्छ। जसका लागि स्वीटजरल्याण्डले अाज हुने खेलमा पराजित भएपनि कम गोल खान प्रयत्न गर्नेछ।
धेरै फुटबल समर्थकहरुले चोटबाट मुक्त भएर पनि लय नगुमार्इ पुन खेलमा फर्केका स्टार फरवार्ड नेयमारलार्इ यस पटकको सर्वाधिक गोल कर्ताको सूचीमा पर्ने पहिल्यै अनुमान गरिसकेका छन्।
तर, उक्त दाैडमा सामिल हुनका लागि नेयमारले अाजको खेलमा कम्तिमा पनि २ गोल गर्नु अावश्यक छ। किनकी पोर्चुगलका सुपरस्ट्राइकर रोनाल्डो यसअघिको खेलमा ह्याट्रिक गर्दै गोलकर्ताको सूचीमा अाफ्नो नाम पहिल्यै लेखाइसकेका छन्।
तुलनात्मक रुपले रोनाल्डोका अब अाउने २ खेलहरु मोरक्को र इरानसँग रहेकाले गोल गर्ने सम्भावना बढी छ। नेयमारको टोलीले सर्बिया तथा कोस्टारिका जस्ता अनुभवी टोलीहरुसँग खेल्नु पर्ने हुनाले गोल गर्ने सम्भावना कम रहेको छ। समुहका अन्य टोलीभन्दा कमजोर मानिएको स्वीटजरल्याण्डविरुद्ध गोल गर्नु नेयमारका लागि चुनाैतीका साथै माैका पनि रहेको छ।
-1731995984.jpg)
