नेपालले कुवेतलाई सात विकेटले हरायो

WORLD CUP

Home
WORLD CUP
नेपालले कुवेतलाई सात विकेटले हरायो

नेपालले कुवेतलाई सात विकेटले हरायो

खेलकुद मञ्‍च 2076-04-11

काठमाडौं, साउन ११ । टी–२० विश्वकप छनोटको एसिया फाइनलमा नेपालले कुवेतमाथि ७ विकेटले सहज जित हात पारेको छ । आइतबार आयोजक सिंगापुरलाई हरायो भने नेपाल एसिया फाइनलको शीर्ष स्थानमा रहनेछ र ग्लोबल छनोटमा स्थान पक्का गर्नेछ । जसले गर्दा अब विश्वकपको ग्लोबल छनोटमा पुग्न नेपाल एक जित टाढा छ ।

कुवेतले दिएको एक सय ४२ बलको लक्ष्य नेपालले १५.५ ओभरमा मात्र तीन विकेट गुमाएर भेट्टायो । नेपालको जितमा पारस खड्काले कप्तानी पारी खेले । उनले ४२ बलमा ११ चौका र एक छक्काको मद्दतमा ६८ रन बनाए । शरद भेषावकरले नटआउट ३८ रन जोडे ।

बलिङतर्फ कुवेतका कप्तान मोहम्मद शासिफले तीन विकेट लिए । यसअघि पहिले ब्याटिङ गरेको कुवेतले २० ओभरमा नौ विकेट गुमाएर एक सय ४१ रन बनाएको थियो । उसका मोहम्मद शासिफले ४९ रन जोडे । नेपालका बसन्त रेग्मी र सन्दीप लामिछानेले समान तीन÷तीन विकेट लिए भने करण केसीको नाममा एक विकेट रहृयो ।

प्रकाशित मिति: शनिबार, साउन ११, २०७६ १२:०७