यु–१६ टी–२० सान कपमा सैनिक र सान विजयी

शैक्षिक खेलकुद

Home
शैक्षिक खेलकुद
यु–१६ टी–२० सान कपमा सैनिक र सान विजयी

यु–१६ टी–२० सान कपमा सैनिक र सान विजयी

काठमाडाैं, – सैनिक आवसिय महाविद्यालय र सानले कागेश्वरी मनोहरा यु–१६ टी–२० सान कप क्रिकेट प्रतियोगितामा सोमबार जीत हात पारेको छ।

राष्ट्रिय खेलकुद परिषद्अन्तर्गत नेपाल खेलकुद विज्ञान प्रतिष्ठान (सान) द्वारा आयोजित प्रतियोगितामा सैनिकले वाईवाई ग्रेट हिमालय क्रिकेट एकेडेमीलाई १७ रनले पराजित गरेको हो।

टस हारेर ब्याटिङको निम्तो पाएको सैनिकले निर्धारित २० ओभरमा ५ विकेट क्षतिमा १ सय २४ बनाएको थियो। ‘म्यान अफ द म्याच’ निश्चल तामाङले २४ र कृष कार्कीले २४ रन बनाएका थिए। बलिङतर्फ ग्रेट हिमालयका अशोक पौडेलले २ विकेट लिए।

जवाफी ब्याटिङमा उत्रेको ग्रेट हिमालयले २० ओभरमा ८ विवेट गुमाउदै १ सय ७ रन जोड्यो। अभिषेक थापाले ३६ तथा सिचम खनालले ३१ रन जोडे।

आयोजक सान ‘रातो’ ले नेपाल क्रिकेट स्कुललाई ३ रनले हरायो। टस जितेर ब्याटिङ रोजेको सानले निर्धारित २० ओभरमा ८ विकेट नोक्सानीमा १ सय २३ रनको योगफल खडा गर्यो। दिवाकर कुँवरले ३२ बलमा अर्धशतक पूरा गर्ने क्रममा ५१ रन बनाए। दिवाकर ‘म्यान अफ म्याच’ चुनिए।

जवाफमा नेपाल क्रिकेट स्कुलले पूरै २० ओभर खेल्दै ६ विकेट क्षतिमा १ सय २० रन बनायो। सम्भव श्रेष्ठले ५८ रन जोडे।

प्रकाशित मिति: मंगलबार, जेठ २९, २०७५ १२:०६