रात्रीकालीन मेयर कप अन्तर वडा टेबलटेनिस सुरु

विविध खेल

Home
विविध खेल
रात्रीकालीन मेयर कप अन्तर वडा टेबलटेनिस सुरु

रात्रीकालीन मेयर कप अन्तर वडा टेबलटेनिस सुरु

खेलकुद मञ्‍च आइतबार, पुस २०, २०८२

काठमाडौं । ललितपुर महानगरपालिका वडा ६ को आयोजनामा सातौं मेयर कप ललितपुर महानगरपालिका अन्तर वडा टेबलटेनिस प्रतियोगिता आइतबारदेखि वडा ६ स्थित कनिवहालमा सुरु भएको छ ।

प्रतियोगिताको ललितपुर महानगरपालिका मेयर चिरीबाबु महर्जनले एक कार्यक्रमबीच उद्घाटन गरे । प्रतियोगितामा यसपटक १ स्पर्धा थप गरी १७ स्पर्धामा खेल खेलाइने छ । खुला स्थानिय जनप्रतिनिधि विधा थपिएको हो ।

ललितपुर महानगरपालिकाका २९ वडा मध्ये २१ वडाबाट ६ सय १६ खेलाडी सहभागी छन् । ललितपुर जिल्ला टेबलटेनिस संघको संयोजनमा भइरहेको प्रतियोगिताको कुल पुरस्कार राशी ४ लाख २५ हजार रुपैयाँ रहेको छ । १७ वटै स्पर्धामा शीर्ष तीन स्थानमा रहेने खेलाडीले नगद पुरस्कार पाउने छन् ।

आयोजक वडा ६ का अध्यक्ष रुपेन्द्रराज शाक्यले ललितपुर जिल्लाले उत्कृष्ट टेबलटेनिस खेलाडी उत्पादनमा राष्ट्रलाई योगदान गरिरहेको बताए । आयोजकका अनुसार प्रतियोगिताको अनुमानित बजेट करिब २९ लाख रुपैयाँ रहेको छ ।

उद्घाटनका अवसरमा प्रदेश खेलुकद विकास परिषद् बागमती प्रदेशका सदस्य रवि महर्जन, अखिल नेपाल टेबलटेनिस संघका उपाध्यक्षद्वय सुमन खड्गी र पूर्णशंकर श्रेष्ठ, कोषाध्यक्ष ज्याकी महर्जन, ललितपुर जिल्ला टेबलटेनिस संघका अध्यक्ष आशिष अवाले, प्राविधिक प्रमुख निकेश जोशी, टेबलटेनिसका पूर्व मुख्य प्रशिक्षक राजेन्द्र कपाली, विभिन्न वडाका प्रतिनिधिलगायतको उपस्थिति रहेको थियो । ललितपुर महानगरपालिको सहयोगमा भइरहेको रात्रीकालीन प्रतियोगिता पुस २६ गतेसम्म चल्ने छ ।

प्रकाशित मिति: आइतबार, पुस २०, २०८२ २०:५३