पारा एथलेटिक्स टोली दुबइ प्रस्थान गर्ने

विविध खेल

Home
विविध खेल
पारा एथलेटिक्स टोली दुबइ प्रस्थान गर्ने

पारा एथलेटिक्स टोली दुबइ प्रस्थान गर्ने

काठमाडौं । दुबइ २०२५ विश्व पारा एथलेटिक्स ग्रान्ड प्रिक्समा सहभागी हुन तीन खेलाडीसहित छ सदस्यीय नेपाली टोली बुधबार दुबइ प्रस्थान गर्ने भएको छ । फेब्रुअरी ५ देखि १४ तारिखसम्म हुने प्रतियोगितामा एक पुरुष र दुई महिला खेलाडीले नेपालको चुनौती प्रस्तुत गर्ने छन् ।

नवराज कार्कीले पुरुष चार सय मिटर र एक हजार पाँच सय मिटर दौडमा प्रतिस्पर्धा गर्ने छन् । विलिशा अर्यालले महिला एक सय मिटर दौड र सटपुट तथा प्रभा आङडेम्वेले महिला दुई सय/चार सय मिटर दौड र लङजम्पमा सहभागी हुने छन् । यसै, प्रतियोगिताको प्रदर्शनका आधारमा नयाँ दिल्लीमा हुने विश्व पारा एथलेटिक्स च्याम्पियनसिपका लागि खेलाडी छनोट गरिने बताइएको छ ।

टिम व्यवस्थापकमा साङबु भोटे, प्रशिक्षकमा ओलम्पियन विमला राना मगर र अफिसियलमा गीतादेवी दाहाल छन् । टोलीलाई उत्कृष्ट प्रदर्शनका लागि शुभकामना दिदै राष्ट्रिय खेलकुद परिषद् (राखेप)का सदस्य-सचिव टंकलाल घिसिङ, राखेपकी सदस्य अञ्जना श्रेष्ठ र पारा एथलेटिक्स एसोसिएसन अफ नेपालका अध्यक्ष ओमनाथ सिवाकोटीले मंगलबार एक कार्यक्रमबीच बिदाइ गरे ।

प्रकाशित मिति: मंगलबार, माघ २२, २०८१ १८:४३