अन्तर्राष्ट्रय तेक्वान्दोमा पदक विजेता रोजेन सम्मानित

राखेप/एनओसी

Home
राखेप/एनओसी
अन्तर्राष्ट्रय तेक्वान्दोमा पदक विजेता रोजेन सम्मानित

अन्तर्राष्ट्रय तेक्वान्दोमा पदक विजेता रोजेन सम्मानित

खेलकुद मञ्‍च सोमबार, पुस ८, २०८१

काठमाडौं । जैशीदेवल युथ क्लबले अन्तर्राष्ट्रय तेक्वान्दो प्रतियोगतामा पदक जित्ने रोजेन प्रजापतिलाई नगद पुरस्कारसहित सम्मान गरेको छ । जैशीदेवल तेक्वान्दो डोजाङका रोजेनले गत डिसेम्बर ६ देखि ९ तारिखसम्म भियतनाममा भएको भियतनाम एसियन ओपन पुलिस तेक्वान्दो च्याम्पिन्सिपमा जुनियरतर्फ व्यक्तिगत पुम्से विधामा स्वर्ण पदक जितेका थिए ।

काठमाडौं महानगरपलिाकका प्रवक्ता नवीन मानन्धर र क्लबका अध्यक्ष राजेश प्रजापतिले रोजेनलाई १० हजार रुपैयाँसहित सम्मान गरे । सो प्रतियोगतामा नेपाललगायत २७ राष्ट्रका खेलाडी, प्रशिक्षक र अफिसियल गरी २५ सय जनाको सहभागिता रहेको बताइएको छ । सोही कार्यक्रममा त्रिभुवन आर्मी क्लबका प्रशिक्षक संजीव ओझालाई पनि सम्मान गरिएको थियो ।

भियतनाम जानुअघि रोजेनले हङकङमा आयोजित विश्व तेक्वान्दो पुम्से च्याम्पियन्सपमा पनि सहभागिता जनाएका थिए । सो प्रतियोतिगामा ७७ राष्ट्रका १७ सय २७ खेलाडी सहभागी थए ।

प्रकाशित मिति: सोमबार, पुस ८, २०८१ १०:५८