मेयर रनिङ सिल्ड: लालीगुराँस र हिमरश्मि बास्केटबल च्याम्पियन

विविध खेल

Home
विविध खेल
मेयर रनिङ सिल्ड: लालीगुराँस र हिमरश्मि बास्केटबल च्याम्पियन

मेयर रनिङ सिल्ड: लालीगुराँस र हिमरश्मि बास्केटबल च्याम्पियन

खेलकुद मञ्‍च सोमबार, मंसिर २४, २०८१

काठमाडौं । लालीगुराँस नेसनल एकेडेमी र हिमरश्मिले तेश्रो मेयर रनिङ सिल्ड खेलकुदअन्तर्गत बास्केटबलको उपाधि आइतबार जितेका छन् । लालीगुराँस जुनियर छात्र तथा हिमरश्मि सिनियर छात्रामा च्याम्पियन बने ।

मनमैजुस्थित घरेलु कोर्टमा भएको जुनियर छात्र फाइनलमा लालीगुराँसले एन्जल्स हार्टलाई २३–१८ ले पराजित गर्यो । लालीगुराँसका सर्गम गुरुङले ९ अंक जोडे । हिमरश्मि र जीवन ज्योति तेश्रो भए । तार्केश्वर नगरपालिका, काठमाडौंद्वारा आयोजित प्रतियोगिताको सिनियर छात्राको उपाधि भिडन्तमा हिमरश्मिले ल्यान्डमार्क एकेडेमीलाई २५–१६ ले हरायो । हिमरश्मिकी निमा तामाङले ७ स्कोर गरिन् । लालीगुराँस र मानसिंह धर्मले तेश्रो स्थानमा चित्त बुझाए ।

विजेतालाई तार्केश्वर नगरापालिका वडा १० का अध्यक्ष कुमार राई, मेयर रनिङ सिल्ड खेलकुदका संयोजक राजेन्द्रप्रसाद तिमिल्सिना, नगर शिक्षा अधिकारी पदमबहादुर खत्री, लालीगुराँसका प्रिन्सिपल गोपाल बुढाथोकीलगायतले एक कार्यक्रमबीच पुरस्कृत गरे । पाँचदिने नकआउट प्रतियोगिताको जुनियर छात्रमा १८ तथा सिनियर छात्रामा १४ टिमले प्रतिस्पर्धा गरेको लालीगुराँसका बास्केटबल प्रशिक्षक नारायण खवासले जनाएका छन् ।

करातेमा लालीगुराँसलाई उपाधि

लालीगुराँले तेश्रो मेयर रनिङ सिल्ड खेलकुदअन्तर्गत करातेको उपाधि जितेको छ । १५ विद्यालयको सहभागिता रहेको करातेमा सर्वाधिक ६ स्वर्ण, १ रजत र २ कांस्य जित्दै लालीगुराँस समग्रमा च्याम्पियन भयो । मानसिंह ४ स्वर्ण, ३ रजत १ कांस्यसाथ दोश्रो भयो । तेश्रो स्थानको सिद्धार्थ मोडेल एकेडेमीले १ स्वर्ण र १ रजत हात पार्यो । १२ स्पर्धा समावेश करातेमा प्रारम्भ वर्ल्ड स्कुलले १ स्वर्ण र १ कांस्य हासिल गर्यो । विजेतालाई तार्केश्वर नगरपालिका मेयर कृष्णहरि महर्जनलगायतले एक कार्यक्रमबीच पुरस्कृत गरे ।

प्रकाशित मिति: सोमबार, मंसिर २४, २०८१ ११:३२

प्रतिक्रिया दिनुहोस्