काठमाडौं । स्वच्छ, शान्त, समृद्ध पर्यटकीय नगर बुढानीलकण्ठ मूल नारासहित अघि बहिरहेको बुढानीलकण्ठ नगरपालिका र बुढानीलकण्ठ खेलकुद विकास बोर्डद्वारा स्वच्छ खेलकुद हाम्रो संकल्प, स्वास्थ रहने राम्रो विकल्प नारासहित प्रथम बुढानीलकण्ठ नगर शिल्ड खेलकुद महोत्सव २०८१ औपचारिक रुपमा यहि वैशाख १९ देखि २२ गतेसम्म संचालन हुनेछ । खेलकुद महोत्सवमा समेटिएका कराते, तेक्वान्दो, मोई थाई, कुङ्ग-फु, बास्केटबल, फुटवल, व्याटमिन्टन र म्याराथन गरी ९ खेल मध्य फुटबल प्रतियोगिता सुरु भएको हो । नगरपालिकाका १३ वटै वडाका फुटबल समुहले भाग लिएको प्रतियोगिताको नकआउट चरण बुधबारबाट सुरु भएको हो ।
प्रतियोगिताको खेलकुद संयोजक सुमन तामाङद्वारा उद्घाटन भएको थियो । आज संचालन भएका ४ वटा खेल मध्य वडा नं.१ र ०६ ले पहिलो खेल खेलेको थियो । जसमा गोल १-१ को बराबरीमा रोकियो र टाई ब्रेकर पेनाल्टि सुटआउटमा वडा नं.१ ले ०६ लाई पराजित गर्दै दोस्रो चरणमा प्रवेश गरेको छ ।
यस्तै वडा नं.४ र वडा नं.२ बिच भएको प्रतिस्पर्धामा वडा नं.४ ले ०२ लाई ४-१ को फराकिलो गोलअन्तरले पराजित गर्यो । वडा नं.३ र वडा नं.१३ विच भएको तेस्रो खेल गोलरहित ०-० को अवस्थामा टाई ब्रेकर पेनाल्टि सुटआउबाट वडा नं.३ विजयी हुन सफल भयो ।
साथै पहिलो दिनको अन्तिम खेल वडा नं ०९ र वडा नं ०८ विच वडा नं ०९ ले ३-० को फराकिलो गोलअन्तरबाट वडा नं.०८ लाई पराजित गरेको थियो । महोत्सवमा फुटबल प्रतियोगिता २२ गते सम्म सञ्चालन हुने आयोजकले जनाएका छन् । १९ गते भने महोत्सवको उद्घाटन रहेकाले फुटबल खेल स्थगित गरिएको जानकारी प्राप्त भएको छ ।
महोत्सवको भोलि १९ गते औपचारीक उद्घाटन नगरपालिका प्राङ्गणमा भएपश्चात नगर परिक्रमा हुने रुटको म्याराथन दौड हुने छ । त्यस पश्चात बुढानीलकण्ठ स्कुलको चौरमा सम्पुर्ण विधाका खेलहरू क्रमश सञ्चालन गरिने आयोजक समिति अध्यक्ष एवं खेलकुद संयोजक सुमन तामाङले बताए ।
-1731995984.jpg)
