एपीएफलाई भलिबल उपाधि, बास्केटबलमा पुष्पसदनद्वारा आईडियल मोडेल पराजित

शैक्षिक खेलकुद

Home
शैक्षिक खेलकुद
एपीएफलाई भलिबल उपाधि, बास्केटबलमा पुष्पसदनद्वारा आईडियल मोडेल पराजित

एपीएफलाई भलिबल उपाधि, बास्केटबलमा पुष्पसदनद्वारा आईडियल मोडेल पराजित

खेलकुद मञ्‍च बिहीबार, जेठ २४, २०७५

एलए नेट च्याम्पियनसिपको बास्केटबलमा प्रतिस्पर्धा गर्दै खेलाडी, फाइल तस्वीर।

काठमाडाैं, २४ जेठ – एपीएफ स्कुलले तेश्रो एलए नेट च्याम्पियनसिपअन्तर्गत ब्वाइज भलिबल उपाधि कब्जा गरेको छ।

हात्तीवनस्थित आयोजक लिटिल एन्जल्स स्कुलको कोर्टमा भएको फाइनलमा एपीएफले माउन्ट ओलिभ ‘ए’ लाई २५–२३, २५–२० र २६–२४ को सोझो सेटमा पराजित गर्दै उपाधि माथि कब्जा जमाएको हो।

फुटबल

ब्वाइज फुटबलमा नेपाल प्रहरी स्कुलले विद्यासागरलाई ४–०, एलए नीलोले सेन्ट जेभियर्स गोदावरीलाई ७–२, एलए रातोले नेपाल डनबस्कोलाई ३–० र ज्ञानोदयले क्रेसेन्टलाई ४–३ गोलले हराउँदै क्वाटरफाइनलमा स्थान सुरक्षित गरेका छन्।

बास्केटबल

सिनियर ब्वाइज बास्केटबलमा पुष्पसदनले आईडियल मोडेललाई ३२–२७, जेम्सले एभेन्जलाई ५०–२८, रातो बंगलाले एलए ‘बी’ लाई ३५–१६ र एलआरआईले एलए ‘ए’ लाई ३५–१६ ले पाखा लगाएका छन्। मिनी ब्वाइज बास्केटबलमा पुष्पसदनले सेन्ट जेभियर्स जावलाखेललाई ३२–१३ र एलआरआईलाई ११–३, एलएले बृहस्पति विद्या सदनलाई २०–७ तथा रातो बंगलाले आईडियल मोडेललाई ३४–१४ ले पाखा लगाएका छन्।

प्रकाशित मिति: बिहीबार, जेठ २४, २०७५ ०५:०६