रेडियन्ट कपमा जेसिज र श्रृजना ज्ञान सागर सेमिफाइनलमा

शैक्षिक खेलकुद

Home
शैक्षिक खेलकुद
रेडियन्ट कपमा जेसिज र श्रृजना ज्ञान सागर सेमिफाइनलमा

रेडियन्ट कपमा जेसिज र श्रृजना ज्ञान सागर सेमिफाइनलमा

काठमाडौं । जेसिज र श्रृजना ज्ञान सागर नवौं रेडियन्ट कप अन्तरविद्यालय बास्केटबल प्रतियोगितामा शुक्रबार सेमिफाइनलमा प्रवेश गरेका छन् । जेसिज सिनियर गर्ल्समा तथा श्रृजना ज्ञान सागर जुनियर ब्वाइजमा सेमिफाइनलमा पुगेका हुन् ।

सिनियर गर्ल्समा जेसिजले केभीएसलाई २२–१७ अंकले पराजित गर्यो । जेसिजको जितमा विप्रिशा श्रेष्ठले २० अंक योगदान गरिन् । विश्वास घलेको ९ अंक सहयोगमा श्रृजना ज्ञान सागरले पिपुल्स एकेडेमीलाई २१–१३ अंकले पराजित गरेको हो ।

सिनियर गर्ल्समा स्वर्णिमले एलआरआईलाई १२–३ अंकले तथा रिब्सले द एक्सेल्सियर स्कुललाई १९–१२ अंकले पाखा लगाएका थिए । स्वर्णिमकी हिसी लामाले ६ तथा रिब्सकी खुशी अधिकारीले ८ स्कोर गरेका थिए ।

सिनियर ब्वाइजमा आयोजक रेडियन्ट पब्लिकले सेबलाई ४०–३० अंकले पन्छ्याउदै सेमिफाइनलमा स्थान पक्का गर्यो । रेडियन्टका रोहित चौधरीले २० अंक जोडे । जुनियर ब्वाइजमा इडेन ब्रिज एकेडेमी (इबीए) ले ओरेकल रेमाथि १८–९ अंकले जित दर्ता गर्यो । इबीएका आदित्य श्रेष्ठले १२ अंक जोडेका थिए ।

प्रकाशित मिति: शनिबार, मंसिर १६, २०८० ०७:४८