काठमाडौं । ललितपुर जिल्ला किक बक्सिङ संघ र ललितपुर जिल्ला खेलकुद विकास समितिको आयोजनामा पाँचौं वीर गणेशमान सिंह स्मृति राष्ट्रिय खुला किक बक्सिङ प्रतियोगिता भदौ २१ गतेदेखि हुने भएको छ । प्रतियोयिगताका परिकल्पनाकार एवं बागमती प्रदेशका सांसद् मिनकृष्ण महर्जनले आज(आइतबार) आयोजित पत्रकार सम्मेलनमा प्रतियोगितामा करिब तीन सय खेलाडीको सहभागिता रहने जानकारी गराए ।
प्रतियोगितामा नेपाल आर्मी, नेपाल प्रहरी, सशस्त्र प्रहरी, कराते, तेक्वान्दो, उसु, बक्सिङ, मुवाथाईं, किक बक्सिङ, फुल कन्ट्याक्ट कराते, आईटीएफ तेक्वान्दो र सातै प्रदेशबाट खेलाडीको सहभागिता रहने छ । गोदावरी नगरपालिकाको मुख्य प्रायोजनमा हुन लागेको प्रतियोगितामा पुरुष/महिलामा समान ६–६ गरी १२ स्पर्धामा प्रतिस्पर्धा हुनेछ । हरेक स्पर्धामा पहिलो हुनेले ३० हजार, दोश्रोले १५ हजार र तेश्रो हुनेले ८/८ हजार नगद पुरस्कार प्राप्त गर्ने आयोजक समितिका अध्यक्ष विनोद महर्जनले जानकारी दिए ।
शीर्ष तीन स्थानमा रहने टिमले क्रमशः १ लाख, ५० हजार र २५ हजार नगद पुरस्कार हात पार्ने छन् । उत्कृष्ट पुरुष/महिला खेलाडीलाई जनही १ लाख २५ हजार नगद पुरस्कारबाट पुरस्कृत गरिने छ ।
गोदावरी नगरपालिकाका मेयर गजेन्द्र महर्जनले गोदावरी नगरपालिकामा खेलकुदलाई चलायमान बनाउन नगरपालिका क्रियाशिल रहेको बताउदै खेलकुदलाई माया गर्नेसँग सहकार्य गरी अगाडि बढ्न नगरपालिका तयार रहेको प्रतिबद्धता व्यक्त गरे । तीनदिने प्रतियोगिताका खेलहरु गोदवारी नगरपालिका वडा ११ प्याङगाउँस्थित मैदानमा हुनेछ ।
-1732963344.jpg)
