काठमाडौं । भारतमा जारी इन्डियन प्रिमियर लिग आइपीएलमा कोलकातामाथि १ रनको रोमाञ्चक जित निकाल्दै लखनउ प्लेअफमा प्रवेश गरेको छ । इडेन गार्डेन क्रिकेट रंगशालामा शनिबार राति भएको खेलमा कोलकाता नाइट राइडर्समाथि १ रनको जित निकाल्दै लखनउ सुपर जायन्ट्स प्लेअफमा प्रवेश गरेको हो ।
जितसँगै लखनउ प्लेअफमा पुग्ने तेस्रो टोलि बनेको छ । यसअघि शनिबारनै भएको पहिलो खेलमा दिल्ली क्यापिटल्समाथि ७७ रनको सानदार जित निकाल्दै चेन्नई सुपर किङ्गसले प्लेअफमा स्थान पक्का गरेको थियो । चेन्नईले जितका लागि दिएको २ सय २४ रनको लक्ष्य पछ्याएको दिल्लीले निर्धारित २० ओभरमा ९ विकेट गुमाएर १ सय ४६ रन मात्र बनाउन सक्यो । यसअघि साबिक विजेता गुजरात टाइटन्स प्लेअफमा पुग्ने पहिलो टोलि बनेको थियो ।
लखनउले जितको लागि दिएको १ सय ७७ रनको विजयी लक्ष्य पछ्याएको घरेलु टोलि कोलकाताले निर्धारित २० ओभरमा ७ विकेट गुमाउँदै १ सय ७५ रन बनायो । कोलकातालाई अन्तिम ओभरमा २१ रन चाहिँएको थियो । तीव्र गतिका बलर यश ठाकुरले पहिलो बलमा वैभव आरोरालाई एक रन दिए भने अर्को बल वाइड फ्याँलेका थिए । त्यसपछि रिंकु सिंहलाई दुई बल डट राखे भने अर्को बल वाइड फ्याँलेका थिए । रिंकुले चौथो बलमा छक्का, पाँचौं बलमा चौका र अन्तिम बलमा छक्का प्रहार गरेपनि जित भने दिलाउन सकेनन् ।
सानदार प्रदर्शन गरेका रिंकु सिंहले ३३ बलमा ६ चौका र ४ छक्कासहित सर्वाधिक ६७ रनको अर्धशतकीय ईनिङ खेलेका थिए । ओपनर जेसन रोय २८ बलमा ७ चौका र १ छक्कासहित ४५ रनमा आउट भए । कोलकाताका अन्य कुनैपनि ब्याटरले राम्रो प्रदर्शन गर्न सकेनन् । वेंकटेश ऐरले २५ रन, रहमानउल्लाह गुरबाज १० रन, नितिश राणा ८ रन र आन्द्रे रसेल ७ रनमा आउट भएका थिए । लखनउका लागि रवि विश्नोइ र यश ठाकुरले समान २/२ विकेट लिए भने क्रुणाल पाण्ड्या र कृष्णप्पा गौथमले समान १/१ विकेट हात पारेका थिए ।
.jpg)
त्यसअघि, टस हारेर पहिले ब्याटिङ गरेको लखनऊले निर्धारित २० ओभरमा ८ विकेट गुमाउँदै १ सय ७६ रन बनाएको थियो । लखनऊका लागि निकोलस पुरनले ३० बलमा ४ चौका र ५ छक्कासहित सर्वाधिक ५८ रनको अर्धशतकीय ईनिङ खेलेका थिए । ओपनर क्विन्टन डि कक २८ रन, प्रेरक माकांड २६ रन र आयुष बदोनी २५ रनमा आउट भएका थिए । कोलकाताका लागि शार्दुल ठाकुर, सुनिल नारायण र वैभव आरोराले समान २/२ विकेट लिए भने हर्षित राना र वरुण चक्रवर्तीले समान १/१ विकेट हात पारेका थिए ।
जितसँगै लखनऊ १४ खेलबाट ८ जित र ५ हारसहित १७ अंकका साथ तेस्रो स्थानमा रहेको छ । यस्तै, चेन्नई १४ खेलमा ८ जित र ५ हारसहित १७ अंकका साथ दोस्रो स्थानमा छ । साबिक विजेता गुजरात १३ खेलबाट ९ जित र ४ हारका साथ १८ अंकसहित तालिकाको शीर्ष स्थानमा रहेको छ । अव, बेंगलोर, मुम्बई र राजस्थान मध्य एक टोलीले अन्तिम चारमा स्थान बनाउँदै एलिमिनेटरमा लखनऊसँग खेल्ने छ । पहिलो क्वालिफायरमा गुजरात र चेन्नई भिड्ने छन् ।
.jpg)
-1753943975.jpeg)
