कमल थापा वर्ल्ड टेनिस मास्टर्सको फाइनलमा

अन्तर्राष्ट्रिय

Home
अन्तर्राष्ट्रिय
कमल थापा वर्ल्ड टेनिस मास्टर्सको फाइनलमा

कमल थापा वर्ल्ड टेनिस मास्टर्सको फाइनलमा

खेलकुद मञ्‍च 2080-2-3

काठमाडौं । राप्रपा नेपालका अध्यक्ष कमल थापा दार्जिलिङमा जारी टेनिस प्रतियोगितामा फाइनलमा प्रवेश गरेका छन् । दार्जिलिङ जिम खाना क्लबद्वारा आयोजित अन्तर्राष्ट्रिय टेनिस फेडेरेसन (आईटीएफ) को मान्यता प्राप्त 'वर्ल्ड टेनिस मास्टर्स एम टी २०० प्रतियोगिता'मा थापा फाइनलमा प्रवेश गरेका हुन् ।

दार्जिलिङमा जारी प्रतियोगिता वैशाख ३० देखि सञ्चालन भइरहेको छ । सो प्रतियोगितामा भारत, नेपाल, भुटानलगायत विभिन्न देशका सयभन्दा बढी सिनियर खेलाडीहरूको सहभागिता रहेको छ ।

प्रतियोगिताको ६० वर्ष उमेर समूहको डबल्स प्रतिस्पर्धाअन्तर्गत आज बुधबार भएको सेमिफाइनलमा नेपालका कमल थापा र झ्याम्पा धोण्डुपको जोडिले भारतका दोस्रो बरियताका आशिष सेन र नरेश भिजको जोडिलाई ६-४ र ६-२ को सोझो सेटमा पराजित गरी फाइनलमा प्रवेश गरेका हुन् ।

यस्तै आजै बुधबार भएको सिङ्गलतर्फको प्रतिस्पर्धामा कमल थापाले भारतका उदय माथुरलाई क्वार्टर फाइनलमा ६-२ र ६-२ को सोझो सेटमा पराजित गर्दै सेमिफाइनलमा प्रवेश गरेका छन् ।

प्रकाशित मिति: बुधबार, जेठ ३, २०८० १९:०५