ब्राइटनमाथि एभर्टनको सानदार जित

अन्तर्राष्ट्रिय

Home
अन्तर्राष्ट्रिय
ब्राइटनमाथि एभर्टनको सानदार जित

ब्राइटनमाथि एभर्टनको सानदार जित

खेलकुद मञ्‍च 2080-1-26

काठमाडौं । इंग्लिस प्रिमियर लिग फुटबलमा ब्राइटनमाथि एभर्टनले सानदार जित निकालेको छ । दि अमेरिकन एक्सप्रेस कम्युनिटी स्टेडियम फाल्मेरमा सोमबार राति भएको खेलमा एभर्टनले ब्राइटनमाथि उसकै मैदानमा ५-१ गोल अन्तरको फराकिलो जीत निकालेको हो ।

एभर्टनको सानदार जितमा एब्डुलाए डोउकाउरे र डिवाइट म्याक्नेलले समान दुई/दुई गोल गर्दा एक आत्मघाती गोल उपहार पाएको थियो । ब्राइटनका एलेक्किस म्याक एलिस्टरले एक गोल फर्काएका थिए ।

खेलको पहिलो मिनेटमानै डोउकाउरेले गोल गर्दै एभर्टनलाई सुरुआती अग्रता दिलाएका थिए । खेलको २९ औं मिनेटमा डोउकाउरेले व्यक्तिगत दोस्रो गोल गर्दै एभर्टनको अग्रता दोब्बर पारेका थिए । ३५ औं मिनेटमा ब्राइटनका जासोनले आत्मघाती गोल गरेपछि एभर्टन पहिलो हाफमा नै ३-० ले अघि बढ्यो ।

खेलको ७६ औं मिनेटमा डिवाइट म्याक्नेलले गोल गर्दै एभर्टनलाई ४-० ले अघि बढाएका थिए । तर, खेलको ७९ औं मिनेटमा ब्राइटनका एलेक्किस म्याक एलिस्टरले गोल गर्दै खेललाई ४-१ को स्थितिमा फर्काएका थिए ।

त्यसपछि, इन्ज्युरी समयको थप गरिएको छैटौं मिनेटमा म्याक्नेलले व्यक्तिगत दोस्रो गोल गर्दै एभर्टनलाई ५-१ गोल अन्तरको सानदार जित दिलाएका थिए । यस जितसँगै एभर्टन ३५ खेलबाट ३२ अंक जोडेर १७ औं स्थानमा उक्लिएको छ भने पराजित ब्राइटन ३३ खेलबाट ५५ अंक जोडेर सातौं स्थानमा रहेको छ ।

सोमबार रातिनै भएको प्रिमियर लिगको अर्काे खेलमा फुलहमले लेस्टर सिटीलाई ५-३ गोल अन्तरले तथा नटिङहम फरेस्टले साउथह्याम्टनलाई ४-३ गोल अन्तरले पराजित गरेको छ ।

प्रकाशित मिति: मंगलबार, वैशाख २६, २०८० १०:०५