काठमाडौं । इंग्लिस प्रिमियर लिग फुटबलमा शीर्ष स्थानको आर्सनलको उत्कृष्ट पुनरागमन जित निकालेको छ । शनिबार राति भएको खेलमा आर्सनलले एएफसी बर्नमाउथलाई ३-२ गोल अन्तरले हराएको हो । जितसँगै आर्सनलले शीर्ष स्थानमा पाँच अंकको अग्रता कायम राखेको छ ।
आर्सनलको घरेलु मैदानमा बर्नमाउथले फिलिप बिलिङको गोलबाट पहिलो मिनेटमै सुरुआती अग्रता लिएको थियो । पहिलो हाफमा एक शून्यको अग्रता लिएको बर्नमाउथले खेलको ५७ औँ मिनेटमा मार्कोस सेनेसीको गोलबाट अग्रता दोब्बर बनाएको थियो ।
तर, खेलको ६२ औं मिनेटमा थोमस पार्टीले गोल गर्दै घरेलु टोली आर्सनललाई २-१ को स्थितिमा ल्याएका थिए । खेलको ७० औं मिनेटमा बेन ह्याइटले गोल गर्दै आर्सनललाई २-२ गोलको बराबरीमा ल्याए ।
.jpg)
त्यसपछि, इन्जुरी समयको अन्तिम मिनेटमा रेइस नेल्सनले गोल गर्दै आर्सनललाई ३-२ को उत्कृष्ट पुनरागमन जित दिलाएका थिए । खेलको अन्तिम मिनेटमा आर्सनलले कर्नरको अवसर पाएको थियो । सोही कर्नरमा नेल्सनले कुनै गल्ति नगरी गोलमा परिणत गरि दिएका थिए ।
जितसँगै शीर्ष स्थानको आर्सनलले २६ खेलबाट ६३ अंक जोडेको छ । पराजित बर्नमाउथ २१ अंकका साथ अंक तालिकाको पुछारमा रहेको छ । दोस्रो स्थानको म्यानचेस्टर सिटीले २६ खेलबाट ५८ अंक जोडेको छ ।
.jpg)
म्यानचेस्टर सिटीले गएराति नै सम्पन्न खेलमा न्युक्यासल युनाइटेडलाई २–० ले पराजित गरेको थियो । सिटीले घरेलु मैदानमा फिल फोडानको गोलबाट १५ औँ मिनेटमा सुरुआती अग्रता लिएको थियो । त्यसपछि, खेलको ६७ औँ मिनेटमा बर्नान्डो सिल्भाले अर्को गोल थपेपछि सिटीले तीन अंक पक्का गरेको थियो । पराजित न्युक्यासल युनाइटेड २४ खेलबाट ४१ अंक जोड्दै पाँचौँ स्थानमा रहेको छ ।
त्यस्तै, अर्काे खेलमा चेल्सीले लिड्सलाई १–० ले हराएको हो । चेल्सीको जितमा वेस्ली फोफानाले खेलको ५३ औं मिनेटमा निर्णायक गोल गरेका थिए । जितसँगै चेल्सी २५ खेलमा ३४ अंक जोड्दै दशौँ स्थानमा रहेको छ । पराजित लिड्स २२ अंक जोडेर १७ औं स्थानमा रहेको छ ।
शनिबार राति भएका अन्य खेलहरूमा एस्टन भिल्लाले क्रिष्टल प्यालेसलाई १–० ले हराउँदा वुल्भरह्याम्पटन वान्डरर्सले टोटनह्याम हट्सपरलाई १–० ले नैं पराजित गरेको छ । अर्को खेलमा ब्राइटनले वेस्ट ह्याम युनाइटेडलाई ४–० ले पराजित गरेको छ ।
-1731995984.jpg)
