जिरुडको निर्णायक गोलमा एसी मिलानको जित

अन्तर्राष्ट्रिय

Home
अन्तर्राष्ट्रिय
जिरुडको निर्णायक गोलमा एसी मिलानको जित

जिरुडको निर्णायक गोलमा एसी मिलानको जित

खेलकुद मञ्‍च 2079-10-28

काठमाडौं । फ्रान्सेली फरवार्ड ओलिभर जिरुडको निर्णायक गोलमा इटालियन सिरी ए फुटबलमा एसी मिलानले टोरिनोलाई हराएको छ । शुक्रबार राति भएको खेलमा मिलानले टोरिनोलाई १-० गोल अन्तरले हराएको हो । यो जितले मिलानलाई तेस्रो स्थानमा पुर्‍याएको छ ।

घरेलु मैदानमा प्रतिस्पर्धात्मक र रोमाञ्चक खेलमा मिलानको जितमा ओलिभर जिरुडले गरेको गोल नै बन्यो । खेलको ६२ औं मिनेटमा कप्तान थियो हर्नान्डेजको क्रसमा जेरुडले हेडरमार्फत निर्णायक गोल गरेका थिए ।

जितसँगै एसी मिलान छैटौं स्थानबाट तेस्रो स्थानमा उक्लिएको छ । मिलानको २२ खेलबाट ४१ अंक पुगेको छ । पराजित टोरिनो ३० अंक जोडेर सातौं स्थानमा रहेको छ । लिग उपाधितिर लम्किरहेको शीर्षस्थानको नापोली गत सिजनको च्याम्पियन मिलानभन्दा अझै १५ अंकले अगाडि छ । इन्टर मिलान ४३ अंक जोडेर दोस्रो स्थानमा रहेको छ ।

जितसँगै मिलानका प्रशिक्षक स्टेफानो पियोलीले भने मानसिक रुपमा हामी कमजोर देखिइरहेका थियौँ । जिरुडको गोलले हामीलाई राहात दियो । उनको गोलपछि हाम्रो समग्र प्रदर्शनमै परिवर्तन आयो । आशा छ स्वाभाविक लयमा फर्कन यो जित हाम्रा लागि सानो तर महत्त्वपूर्ण कदम हुनसक्छ ।