एएसबीसी यु–२२ बक्सिङमा नेपाललाई दुई पदक पक्का

अन्तर्राष्ट्रिय

Home
अन्तर्राष्ट्रिय
एएसबीसी यु–२२ बक्सिङमा नेपाललाई दुई पदक पक्का

एएसबीसी यु–२२ बक्सिङमा नेपाललाई दुई पदक पक्का

खेलकुद मञ्‍च 2079-10-3

काठमाडौं । थाइल्यान्डमा जारी एएसबीसी यू–२२ महिला तथा पुरुष बक्सिङ प्रतियोगितामा नेपालले दुई कास्य पदक पक्का गरेको छ । नेपाल बक्सिङ संघका अनुसार माघ २ गतेदेखि सुरु भएको च्याम्पियनसिप माघ १३ गतेसम्म चल्नेछ ।

एसियन बक्सिङ कन्फेडरेसनको आयोजना तथा थाइल्यान्ड बक्सिङ संघको निमन्त्रणामा थाइल्यान्डको राजधानी बैंककमा जारी एएसबीसी यू–२२ पुरुष तथा महिला बक्सिङ च्याम्पियनसिपमा नेपाली महिला खेलाडी त्रिसा जवेगुले मिडल वेट ७५ किलो तौल समुह र पुरुष खेलाडी विजय बाटाले क्रुजर वेट ८६ किलो तौल समूहमा बाई पाएर कास्य पदक पक्का गरेका हुन् ।

विजयले अब फाइनल प्रवेशका लागि भारतीय खेलाडी मुस्किता माइखेलसँग प्रतिष्पर्धा गर्नेछन् । यस्तै, त्रिसा जवेगुले काजकिस्तानकी येरजहान गुलसायासँग सेमिफाइनलमा प्रतिस्पर्धा गर्नेछिन् ।

यस्तै, महिलातर्फ हेमा राईले महिला ५७ किलो तौल समूहमा क्वार्टरफाइनलमा माघ पाँच गते सिंगापुरकी चाव जी मिन बेरनिससँग प्रतिस्पर्धा गर्नेछिन् । महिला ४८ किलो तौल समुहमा सुस्मा तामाङले भियतनामी खेलाडी फाम थि किनहानसँग बुधबार क्वार्टरफाइनलमा प्रतिस्पर्धा गर्नेछिन् ।

पुरुष ४८ किलो तौल समूहमा नेपालका लालप्रसाद उप्रेतीले फिलिपिन्सका दुरेन मार्क लेफचरसँग माघ ६ गते क्वार्टरफाइनल खेल खेल्नेछन् । फेदर वेट पुरुष ५७ किलो तौल समुहमा नेपाली खेलाडी इन्द्रबहादुर सुनारले क्वार्टरफाइनल खेल लाओसका खेलाडी सोक्साखोनसँग भोलि माघ ४ गते भिडन्त गर्नेछन् ।

प्रकाशित मिति: मंगलबार, माघ ३, २०७९ २१:०१