खेलाडी सोनियाले जुडोमा रचिन नेपालको इतिहास

राखेप/एनओसी

Home
राखेप/एनओसी
खेलाडी सोनियाले जुडोमा रचिन नेपालको इतिहास

खेलाडी सोनियाले जुडोमा रचिन नेपालको इतिहास

काठमाडौं, कार्तिक ३ । मित्रराष्ट्र मोरक्कोमा यहि सन २०१९ अगष्ट १६ तारिखमा भएको वल्र्ड जुडो च्याम्पियनसिप जुनियरमा नेपालको तर्फबाट सहभागि सोनिया भट्टले नयाँ इतिहास कायम गरेकी छन् । उक्त प्रतियोगितामा ४८ के.जी. तौल समुहकी जुडो खेलाडी भट्टले प्रथम बाउटमा मोजाम्बिकी खेलाडी मनिमे जेन्नी वाजारी आवासोती इप्पोनलाई जित्दै नेपालको तर्फबाट जुडो खेलमा इतिहास रचेकी हुन् ।

जुडो खेलबाट अहिलेसम्म विश्व प्रतियोगितामा जितेको यो पहिलो घटना हो । पहिलो बाउट जितेकी सोनियाले दोस्रो बाउटमा जापानकी खेलाडी वातानेबे आइकोसँग पराजित भएकी थिइन । भट्टको तौल समुहमा विभिन्न देशका ३१ जना खेलाडी सहभागि भएका थिए । नेपाली खेलाडी भट्टलाई पराजित गर्ने जापानीज खेलाडीले पाचौँ स्थान हासिल गरेकी छिन ।

त्यस्तै, अर्की नेपाली जुडो खेलाडी ५७ के.जी. तौल समुहकी मनिता श्रेष्ठ प्रधान ब्राजिलकी आन्द्रे भिक्टोरीसँग पराजित भइन् । पराजित भएपनि मनिताले उत्कृष्ट खेल प्रदर्शन गरेकी थिइन् । मनिताको तौल समुहमा विभिन्न देशका ४२ जना खेलाडी सहभागी थिए ।

प्रकाशित मिति: आइतबार, कात्तिक ३, २०७६ ०८:१०