काठमाडाैं, २९ जेठ – सान निलो कागेश्वरी मनोहरा यु–१६ टि–२० सान क्रिकेट कप २०७५को लिग खेलमा पहिलो पराजय भोग्न बाध्य भएको छ।
एन्जल्सले टस जितेर सानलाई पहिले ब्याटिङ्ग गर्न दिएको थियो। पहिलो ब्याटिङ्गमा उत्रेको सान निलो १४.३ ओभर खेल्दै पुरै विकेटको क्षतीमा ३५ रनमा सिमित हनु पुग्यो। उसका कुनै पनि खेलाडीले दोहोरो अंक छुन सकेनन्। सानलाई थोरै रनमा सिमित गर्न एन्जल्सका बलर किशोर बोगटीले ठूलो रोल खेले। उनले ४ ओभरमा ६ रन दिंदै ६ विकेट हात पारे। उनी म्यान अफ द म्याच घोषित भएा।
३६ रनको लक्ष्य पछयाएको एन्जल्सले बिना विकेट लक्ष भेटायो। रितिक थापा मगरको १४ बलमा २२ रन र विनय घर्ती मगरको १७ बलमा ८ रनका साथ ५ औं ओभरमा लक्ष पुरा गर्दै सान निलो माथि एन्जल्सले १० विकेटको जित निकाल्यो।
कागेश्वरी मनोहरा वडा नं. १६ का वडा अध्यक्ष प्रकाश फुँयालले किशोर बोगटीलाई म्यान अफ द म्याचको ट्रफी प्रदान गरेका छन्।
आजै भएको दोश्रो खेलमा ओसिस क्रिकेट एकेडेमीले पाँच पोखरी क्रिकेट एकेडेमीलाई १०६ रनले पराजित गरेको छ। टस जितेर ब्याटिङ्ग गरेको ओसिसले निर्धारित २० ओभरमा ३ विकेटको क्षतीमा १३८ रन जोडेको थियो।
ओसिसका लागि म्यान अफ द म्याच आशिष भट्टराईले नट आउटमा ५० बल खेल्दै ५९ रन जोडे। यस्तै दिपेश अधिकारीले आशिषलाई साथ दिंदै नटआउट २५ बलमा ३१ रन जोडे। यस्तै अन्य खेलाडीहरुमा सचिन शर्मा २७ बलमा २४, अनुप नेपाल १० बलमा १० र सम्राट भुषाल ८ बलमा २ रन जोड्न सफल भए।
बलिङ्गतर्फ पाँच पोखरीका शिशिर भुजेलले ४ ओभरमा २७ रन दिंदै १ र सार्थक धितालले ४ ओभरमा २३ रन दिंदै १ विकेट लिए।
प्रतिउत्तरमा उत्रेको पाँच पोखरीले ११.२ ओभरमा अल आउट हुंदै ३२ रनमा सिमित हुन पुग्यो। पाँच पोखरीका अनमोल खड्काले २९ बल खेल्दै १६ रन जोड्नु बाहेक कुनै पनि खेलाडीले दोहोरो र्अक जोड्न सकेनन्।
बलिङ्ग तर्फ ओसिसका अनुप नेपालले २ ओभर ७ रन र २ विकेट, सचिन शर्माले २ ओभर १ रन २ विकेट, आरोग्य भट्टराईले ३ ओभर १० रन २ विकेट, अभिषेक नेपाल १ ओभर ११ रन, समर श्रेष्ठ २ ओभर १ रन २ विकेट र अंश श्रेष्ठ ०.२ ओभर १ रन १ विकेट लिन सफल भए। म्यान अफ द भ्याच आशिष भट्टराईलाई क्यानका पूर्व उपाध्यक्ष उपेन्द्र भट्टराईले ट्रफी प्रदान गरे।
-1731995984.jpg)
