२५ वैशाख, काठमाडौं । इन्डियन प्रिमियर लिग (आईपीएल) क्रिकेट प्रतियोगिताको इलिमिनेटर राउण्डमा आज दिल्ली क्यापिटल्सले सनराइजर्स हैदरावादसँग प्रतिस्पर्धा गर्दैछ ।
आज राति ७ बजेर ४५ मिनेटमा आईपीएलको प्लेअफअन्तर्गत यो खेल हुन लागेको हो । दुबै टिम जित हात पार्दै दोस्रो क्वालिफायरमा प्रवेश गर्न आतुर छन् ।
दिल्लीले जारी आईपीएलको लिग चरणमा १४ खेलबाट ९ खेलमा जित र पाँच खेलमा हार ब्यहोर्दै १८ अंक बनाएर तेस्रो स्थान कब्जा गरेको थियो । यता, हैदरावादलाई भने यो पटक भाग्यले साथ दियो । मुम्बईले कोलकत्ता नाइट राइडर्सलाई पराजित गरेसँगै हैदरावाद प्लेअफमा पुगेको हो । यदी कोलकत्ताले जितेको भए हैदरावाद आउट हुने थियो ।
हैदरावादले १४ खेलमध्ये ६ खेलमा जित र ८ खेलमा हार ब्यहोर्दै १२ अंक बनाएको थियो । १२ नै अंक बनाएको कोलकत्ता र किंग्स इलाभेन पञ्जाब भने नेट रनरेटमा पछि पर्दै आईपीएलबाट बाहिरिएका हुन् ।
हैदरावाद र दिल्ली दुबैले लिग चरणको खेलमा नतिजा बाँडेका थिए । दिल्लीले होम गेममा हैदरावादसँग ५ विकेटले पराजय भोगेको थियो । तर अवे खेलमा भने दिल्लीले हैदरावादलाई ३९ रनले पराजित गरेको थियो ।
जारी आइपिएलमा दिल्ली १४ खेलमा ९ मा जित र ५ हारका साथ तेस्रो स्थानमा रहँदै एलिमीनेटर खेल्न लागेको हो । हैदरावाद भने १४ खेलमा ६ जितर ८ हारका साथ अन्तिम चारमा रहदै एलिमीनेटरको लागि मौका पाएको थियो ।आइपिएलमा दिल्लीबाट श्रेयस ऐर,ऋषभ पन्त,शिखर धवन,ईशान्त शर्मा,पृथ्वी शाले राम्रो प्रर्दशन गरि रहेका छन् । मनिष पान्ड्या,केन विलियम्सन,राशिद खान,खलिल अहमिद मुख्य हतियार हुन् ।सर्वाधिक रन बनाउने ओपनर डेविड वार्नर अष्टे«लिया र जोनी बेयरस्ट्रो विश्वकपको लागि इंग्ल्यान्ड फर्किएपछि हैदरावाद समस्या छ । त्यस्तै चोटका कारण जारी आइपिएलमा सर्वाधिक विकेट लिने तीब्र गतिका बलर कागिसो रबाडा दक्षिण अफ्रिका फर्किएपछि दिल्लीलाई पनि ठूलो धक्का लागेको छ ।
आज राति हुने यस खेलमा सन्दीपको सम्भावना न्यून रहेको छ । पछिल्ला दुई खेलमा कमजोर प्रदर्शनका कारण सन्दीपलाई दुई खेलमा बेन्चमा राखिएको थियो ।
अहिलेसम्म ६ खेलबाट ८ विकेट लिएका सन्दीपले पछिल्लो पटक रोयल च्यालेन्जर्स बेंग्लोरविरुद्ध खेलद। महंगो बलिङ गरी कुनै विकेट लिन सकेनन् । त्यसपछि दिल्लीले उनलाई प्लेइङ सेटमा राखेको छैन ।यस खेलमा पनि सन्दीपले खेल्न पाउने मौका निकै कम रहेको बताइन्छ । किनभने पछिल्लो समयमा दुई भारतीय स्पिनर अमित मिश्र, अक्षर पटेलले उत्कृष्ट बलिङ गरिरहेका छन् । फेरी क्ष्एीको नियम अनुसार चार विदेशी खेलाडीको कोटामा पर्न सन्दीपले किमो पाउल, ट्रेन्ट बोल्ट, कोलिन मुन्रो, कोलिन इन्ग्राम, सेफर्न रुथरफोर्ड र किमो पाउलमध्ये प्रश्पिर्दा गर्नुपर्ने हुन्छ । प्रमुख बलर कंगिसो रबाडा र अलराउन्डर क्रिस मोरिस भने म्याचमा उपलब्ध छैनन् ।
दिल्लीले रबाडाको स्थानमा ट्रेन्ट बोल्टलाई खेलाउने पक्का जस्तै छ । ब्याटिङ पनि गर्न सक्ने भएकाले किमो पाउलले पनि मौका पाउन सक्छन् । इन्ग्रामले पनि हरेक म्याचमा खेल्दै आएका छन् । यस्तै सेफर्न रुथरफोर्डलाई पनि प्लेइङ ११ मा राखिने सम्भावना छ । त्यसैले सन्दीप यसपाली पनि बेन्चमै बस्नुपर्ने हुन सक्छ ।
यदि आजको म्याचमा दिल्ली हार्योह भने उसको यो आईपीएल यात्रा समाप्त हुनेछ । जितेको खण्डमा चेन्नई सुपरकिङ्ससँग फाइनलका लागि प्रतिस्पर्धा गर्नेछ ।
-1731995984.jpg)
