राष्ट्रिय क्वानमुकान करातेमा बालाजु टिम च्याम्पियन

विविध खेल

Home
विविध खेल
राष्ट्रिय क्वानमुकान करातेमा बालाजु टिम च्याम्पियन

राष्ट्रिय क्वानमुकान करातेमा बालाजु टिम च्याम्पियन

खेलकुद मञ्‍च सोमबार, माघ २०, २०८२

काठमाडौं । आमन्त्रित टिमका रुपमा सहभागी बालाजु डोजो तेश्रो क्वानमुकान राष्ट्रिय कराते प्रतियोगितामा सोमबार टिम च्याम्पियन बनेको छ । बालाजुले ८ स्वर्ण, ४ रजत र ६ कांस्य पदक जित्यो ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको प्रतियोगितामा बागमती प्रदेश ४ स्वर्ण, ५ रजत र ६ कांस्यसाथ दोश्रो भयो । तेश्रो स्थानको कोशी प्रदेशले १ स्वर्ण, १ रजत र १० कांस्य हात पार्‍यो ।

नेपाल क्वानमुकान कराते डो संघद्वारा आयोजित प्रतियोगिताको पुरुषमा गण्डकी प्रदेशका आयुश तामाङ तथा महिलामा लुम्बिनी प्रदेशकी ममता विक उत्कृष्ट खेलाडी घोषित भए ।

विजेतालाई राखेपका सदस्य–सचिव रामचरित्र मेहता, आयोजक संघका अध्यक्ष जनक सुवेदीलगायतले एक कार्यक्रमबीच पुरस्कृत गरेका थिए ।

दुईदिने प्रतियोगितामा २२ स्वर्णका लागि २ सय ५० खेलाडीले प्रतिस्पर्धा गरेको आयोजकले जनाएको छ । प्रतियोगितामा सातै प्रदेश र बालाजु डोजो गरी ८ टिम सहभागी थिए ।

प्रकाशित मिति: सोमबार, माघ २०, २०८२ १९:०४