बंगलादेशसंग २–२ गोलको बराबरी खेल्यो नेपाल

फुटबल

Home
फुटबल
बंगलादेशसंग २–२ गोलको बराबरी खेल्यो नेपाल

बंगलादेशसंग २–२ गोलको बराबरी खेल्यो नेपाल

काठमाडौं । नेपालले अन्तर्राष्ट्रिय मैत्रीपूर्ण खेलमा बंगलादेशसँग बराबरी खेलेको छ । बंगलादेशको ढाकामा भएको खेलमा नेपालले घरेलु टोलीसंग २-२ गोलको बराबरी खेलेको हो ।

नेपालका रोहित चन्द र अनन्त तामाङले समान एक गोल गरे भने बंगलादेशका दुवै गोल हम्जा चौधरीले गरे । खेलको २९औं मिनेटमा गोल गर्दै रोहित चन्दले नेपाललाई अग्रता दिलाएका थिए । पहिलो हाफमा अग्रता लिएको नेपालले दोस्रो हाफको सुरुआतमै गोल खान पुग्यो ।

बंगलादेशका हम्जा चौधरीले ४६औं मिनेटमा गोल गर्दै बराबरीमा फर्काए । खेलको ४९औँ मिनेटमा हम्जाले पेनाल्टीमा गोल गर्दा बंगलादेश २–१ को स्थितिमा पुग्यो ।

दोस्रो हाफको इन्जुरी समयमा डिफेन्डर अनन्त तामाङले गोल गर्दै नेपाललाई हार हुनबाट जोगाए । दिनेश हेन्जनको कर्नरमा अनन्तले क्लोज रेन्जबाट हानेको ब्याक हिल गोलमा परिणत भयो ।

नेपाल र बंगलादेशले एएफसी एसियन कप छनोटको तयारीका लागि मैत्रीपूर्ण खेल खेलेका हुन्  । नेपालले अब १८ नोभेम्बरमा मलेसियासँग एसियन कप छनोटको खेल खेल्दै छ  ।

प्रकाशित मिति: बिहीबार, कात्तिक २८, २०८२ २१:४८