एनओसीका अध्यक्ष श्रेष्ठद्वारा पाथ र हेल्थ कन्सर्नका प्रतिनिधिसँग छलफल

राखेप/एनओसी

Home
राखेप/एनओसी
एनओसीका अध्यक्ष श्रेष्ठद्वारा पाथ र हेल्थ कन्सर्नका प्रतिनिधिसँग छलफल

एनओसीका अध्यक्ष श्रेष्ठद्वारा पाथ र हेल्थ कन्सर्नका प्रतिनिधिसँग छलफल

काठमाडौं । पूर्व मन्त्री तथा नेपाल ओलम्पिक कमिटी (एनओसी)का अध्यक्ष जीवनराम श्रेष्ठले शुक्रबार स्वास्थ्यसम्बन्धी काम गर्ने संस्था पाथ र हेल्थ कन्सर्नका प्रतिनिधिसँग भेटघाट गरेका छन् । अन्तर्राष्ट्रिय ओलम्पिक कमिटी (आइओसी) र विश्व स्वास्थ्य संगठन (डब्लयूएचओ)द्वारा संयुक्त रुपमा सुरु गरिएको परियोजनाको प्रगतिबारे छलफल गर्न अध्यक्ष श्रेष्ठले पाथकी प्रतिनिधि सन्जु गौतम र हेल्थ कन्सर्नका कृष्णप्रसाद ढकालसँग बैठक बसेका हुन् ।

सो बैठकमा एनओसीका उपाध्यक्ष चतुरानन्द राजवैद्य र महासचिव राजीव श्रेष्ठको पनि उपस्थिति रहेको थियो । खेलकुद र स्वास्थ्य परियोजनाको समन्वयका लागि एनओसीसँगको सहकार्यमा पाथलाई जिम्मेवारी दिइएको हो । हेल्थ कन्सर्नले यससम्बन्धी कार्यक्रमहरुको कार्यान्वयन गरिरहेको छ । हेल्थ कन्सर्न बोलकबोल प्रक्रियामार्फत् यो परियोजनामा काम गर्न चयन भएको थियो । यो परियोजनालाई आइओसी र डब्ल्यूएनओको आर्थिक सहयोग रहेको छ ।

आइओसी र डब्ल्यूएचओले पहिलो चरणमा नेपाललागतय भियतनाम, पेरु, तान्जानिया र घाना गरी पाँच देशलाई यो परियोजना प्रदान गरेको छ । नेपालमा बागमती प्रदेशको खेलकुद तथा स्वास्थ्य मन्त्रालयले चार जिल्ला चितवन, ललितपुर, मकवानुर र नुवकोटलाई यो परियोजनाका लागि चयन गरेको छ । यस परियोजनाको प्राथमिक उद्देश्य खेलकुदमार्फत् स्वास्थ्य प्रवर्द्धन गर्नु रहेको छ ।

दोस्रो चरणमा नेपाल र भियतनामलाई मात्र छनोट गरिएको छ । यस परियोजनाअन्तर्गत भएका कामको अनुगमन र मूल्याङ्कन गर्न डिसेम्बरको दोस्रो साता आइओसीको परिवेक्षक टोलीले नेपालको भ्रमण गर्ने जनाइएको छ ।

प्रकाशित मिति: शनिबार, भदौ २१, २०८२ ०९:४५