एभर्टनको नजर बार्सिलोनाका डिफेन्डर यारी मिना माथि

अन्तर्राष्ट्रिय

Home
अन्तर्राष्ट्रिय
एभर्टनको नजर बार्सिलोनाका डिफेन्डर यारी मिना माथि

एभर्टनको नजर बार्सिलोनाका डिफेन्डर यारी मिना माथि

खेलकुद मञ्‍च बिहीबार, साउन २४, २०७५

काठमाडाैं , २४ साउन – स्पेनिस क्लब बार्सिलोनाका कोलम्बियन डिफेन्डर यारी मिनाले क्लब छोड्ने लगभग पक्का भएको छ । उनी स्पेनिस क्लब छोडेर इंग्लिस क्लब एभर्टन जाने भएका हुन् ।

२३ वर्षिय मिनाका लागि अर्को इंग्लिस क्लब म्यानचेस्टर युनाइटेड पनि मिनालार्इ अनुबन्ध गर्न इच्छुक रहेको थियो । तर , युनाइटेडको इच्छामा प्रतिद्वन्दी क्लब एभर्टनले हस्तक्षेप गर्ने सम्भावना देखिएको छ ।

बार्सिलोना र एभर्टनको सम्बन्ध सुमधुर रहेको छ । गत हप्ता मात्रै बार्सिलोनाबाट फ्रेन्च डिफेन्डर लुकास डिग्ने पनि एभर्टनमा अाबद्ध भएका थिए ।
मिना गत जनवरीमा मात्रै ब्राजिलियन क्लब पाल्मेरिसबाट सपेनिस क्लब बार्सिलोनामा अाबद्ध भएका थिए । उनले ८ महिनाको अवधिमा बार्सिलोनाबाट मात्रै ६ खेल मात्रै खेलेका छन् ।

एभर्टनका म्यानेजर मार्को सिल्भाले अाफ्नो सुरूवाति ११ मा मिनालार्इ स्थान दिने बताइ सकेका छन् । एभर्टनबाट रामिरो फ्युनेस मोरी र अास्ले विलियमको बहिर्गमनपछि एभर्टन प्रतिस्थापनको खोजीमा रहेको छ ।

प्रकाशित मिति: बिहीबार, साउन २४, २०७५ १४:०८