काठमाडौं । १४औं केन्द्रीयस्तरीय राष्ट्रपति रनिङ सिल्ड अन्तर्गत उसुको पहिलो दिन चार स्वर्ण पदकको टुंगो लागेको छ ।
आयोजक राष्ट्रिय खेलकुद परिषद् (राखेप) को सेमी कभर्डहलमा बुधबार भएको छात्र थाइची छ्वानमा बागमतीका राजकुमार तामाङले स्वर्ण पदक जिते । यसै विधामा सुदूरपश्चिमका शिरिष श्रेष्ठले रजत र कर्णालीका तिलकबहादुर बुढामगरले कांस्य पदक प्राप्त गरे ।
यसैगरी छात्रा थाइची छ्वानमा बागमतीकै लक्ष्मी तामाङले स्वर्ण पदक जितिन् । सुदूरपश्चिमकी दीपिका साउदले रजत तथा कोशीकी अन्जना सरदारले कांस्य पदक हात पारे ।
छात्रकै नान छ्वानमा कोशीका एलिस मारिकले स्वर्ण, बागमतीका जेनिश नेपालीले रजत र सुदूरपश्मिचका योगेश चौधरीले कांस्य पदक जिते ।
यसै विधाको छात्रामा बागमतीकी ममता सुनुवारले स्वर्ण पदक जितिन् । कर्णालीकी सन्ध्या राना क्षेत्रीले रजत पदक र सुदूरपश्चिमकी ज्ञानु विकले कांस्य पदक प्राप्त गरे ।
तेक्वान्दोमा बागमतीलाई तीन स्वर्ण
सातदोबाटोस्थित तेक्वान्दो हलमा भएको तेक्वान्दोको पहिलो दिन सात स्वर्णका लागि प्रतिस्पर्धा भएकोमा बागमतीले सर्वाधिक तीन स्वर्ण जितेको छ । कोशीले दुई तथा मधेश र कर्णालीले समान एक स्वर्ण हात पारे ।
छात्रा एकल पुम्सेमा सरगम थापा, छात्रा ४२ केजीमुनि सुप्रिया बजगाईं र छात्र ५१ केजीमुनि करण धोलीले बागमतीलाई स्वर्ण दिलाए । छात्र ५९ केजीमुनि सन्जल श्रेष्ठ तथा छात्रा ५३ केजीमुनि प्रज्ञा परियारले कोशीका लागि स्वर्ण जिते ।
छात्र एकल पुम्सेमा मधेशका निश्चल धामी थारु तथा छात्र ४९ केजीमुनि कर्णालीका निसान प्याकुरेलले स्वर्ण पदक प्राप्त गरे ।
-1761818974.jpg)
-1761497521.jpg)
