श्रीलंकामा पाँच राष्ट्रलाई पछि पार्दै नेपाल टिम च्याम्पियन

अन्तर्राष्ट्रिय

Home
अन्तर्राष्ट्रिय
श्रीलंकामा पाँच राष्ट्रलाई पछि पार्दै नेपाल टिम च्याम्पियन

श्रीलंकामा पाँच राष्ट्रलाई पछि पार्दै नेपाल टिम च्याम्पियन

काठमाडौं । श्रीलंकाको कोलोम्बोमा भएको १० औं अन्तर्राष्ट्रिय खुल्ला कराँते प्रतियोगितामा पाँच राष्ट्रलाई पछि पार्दै नेपाल टिम च्याम्पियन बनेको छ । नेपाल ३ स्वर्ण, २ रजत र ३ कांस्य पदकसाथ टिम च्याम्पियन भएको नेपाल वादोरियो कराते संघका अध्यक्ष हरिशरण केसीले जनाएका छन् ।

कोलोम्बोको बन्दरागमा इन्डोर स्टेडियममा भएको प्रतियोगितामा नेपालसहित भारत, श्रीलंका, पाकिस्तान र माल्दिभ्सका खेलाडीहरुको सहभागिता रहेको थियो । नेपालको प्रतिनिधित्व गर्दै देवकुमार शाहले कुमितेमा एक स्वर्ण र कातामा १ रजत गरी दुई पदक जित्न सफल भएका थिए ।

प्रतियोगितामा बेद जैसवाल र अन्स चौधरीेले कुमितेमा स्वर्ण पदक प्राप्त गरेका थिए । आइलेसजङ्ग थापाले रजत जितेका थिए । नितिशा श्रेष्ठ, हिमानी थापा मगर र वीरबहादुर कुमालले कास्य पदक हात पारेको टिम व्यवस्थापक राजेन्द्र कुँवरले जानकारी दिएका छन् ।

प्रतियोगिताको उद्घाटन समारोहमा नेपाली खेलाडीको हौसला बढाउन श्रीलंका पुगेका न्युरोलोजिस्ट डा. लेखजङ थापाले आफ्नो कला र सीप प्रर्दशन गरी उत्कृष्ट खेल खेलेर देशलाई विश्वमाझ चिनाउन आग्रह गरेका थिए ।

प्रकाशित मिति: आइतबार, मंसिर ३, २०८० २१:५०