काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा आज बिहीबार तीन खेलहरु हुँदै छन् । त्रिपुरेश्वरस्थित दशरथ रंगशालामा दुई खेल हुनेछ भने एउटा खेल ललितपुरस्थित च्यासल रंगशालामा हुनेछ ।
दशरथ रंगशालामा हुने खेलमा फ्रेन्ड्स क्लब र मछिन्द्र फुटबल क्लबबिच दिउँसो ३ बजे प्रतिस्पर्धा हुनेछ । आज मछिन्द्र नवौं जितको खोजीमा हुनेछ भने फ्रेन्ड्स छैटौं जितको योजनामा हुनेछ ।
जारी लिगमा साबिक विजेता मच्छिन्द्र १८ खेलबाट ८ जित, ६ बराबरी र ४ हारका साथ ३० अंक जोडेर तेस्रो स्थानमा रहेको छ । फ्रेन्ड्स १८ खेलमा ५ जित, ५ बराबरी र ८ हारका साथ २० अंक जोडेर १३ औं स्थानमा रहेको छ ।
.jpg)
त्यस्तै, च्यासल रंगशालामा दिउँसो तीन बजेनै संकटा क्लबले मनाङ मर्स्याङ्दी क्लबको सामना गर्नेछ । आज मनाङ छैटौं जितको खोजीमा हुनेछ भने संकटा पनि छैटौं जितको योजनामा हुनेछ ।
जारी लिगमा मनाङ १८ खेलबाट ५ जित, ७ बराबरी र ६ हारका साथ २२ अंक जाेडेर आठौं स्थानमा रहेको छ । संकटा १८ खेलमा ५ जित, ६ बराबरी र ७ हारका साथ २१ अंक जोडेर १२ औं स्थानमा रहेको छ ।
दशरथ रंगशालामा नै आज साँझ ६ बजे हुने अर्को खेलमा न्युरोड टिम एनआरटी र जावलाखेल युथ क्लब आमुने सामुने हुँदैछन् । आज एनआरटी छैटौं जितको खोजीमा हुनेछ भने जावलाखेल दशौँ जित सहित शीर्ष स्थानमा पुग्ने योजनामा हुनेछ ।
जारी लिगमा जावलाखेल १८ खेलबाट ९ जित, ४ बराबरी र ५ हारका साथ ३१ अंक जोडेर दोस्रो स्थानमा रहेको छ । एनआरटी १८ खेलमा ५ जित, ७ बराबरी र ६ हारका साथ २२ अंक जोडेर नवौं स्थानमा रहेको छ ।
