काठमाडौं । ललितपुर मेयर्स कप महिला टि-२० राष्ट्रिय क्रिकेट प्रतियोगितामा नेपाल एपीएफ क्लबले लगातार दोस्रो जित निकालेको छ । कीर्तिपुरस्थित टियु क्रिकेट मैदानमा शुक्रवार भएको खेलमा सुदूरपश्चिम प्रदेशलाई १५ रनले पराजित गर्दै एपीएफले लगातार दोस्रो जित हात पारेको हो ।
जितका लागि १२२ रनको लक्ष्य पन्छाएको सुदूरपश्चिमले निर्धारित २० ओभरमा ६ विकेटको क्षतीमा १०६ रन मात्रै बनाउन सक्यो । सुदूरपश्चिमका लागि ओपनर कविता कुँवरले ६० बलमा बलमा ३ चौका २ छक्कासहित सर्वाधिक ५१ रनको अर्धशतकीय ईनिङ बनाएपनि टोलीलाई जिताउन सकीनन् ।
.jpg)
कविता जोशी १७ बलमा २ चौका र १ छक्कासहित २६ रनमा अविजित रहिन् । सम्झना खड्का १८ बलमा २ चौकासहित १७ रनमा बोल्ड आउट भइन् । सुदूरपश्चिका अन्य ब्याटरले भने राम्रो गर्न सकेनन् । एपीएफका लागि सुमन विष्टले २ तथा कप्तान सीता राना मगर र इन्दु बर्माले समान १/१ विकेट लिईन् ।
.jpg)
त्यसअघि, टस हारेर पहिले ब्याटिङ गरेको एपीएफले २० ओभरमा २ विकेट गुमाएर १ सय २१ रन बनाएको थियो । एपीएफका लागि कप्तान सीता राना मगरले ५९ बलमा ७ चौकासहित अविजित ५२ रनको अर्धशतकीय ईनिङ खेलिन् । कप्तान सीता राना मगर खेलको ‘प्लेयर अफ द म्याच’ भइन् ।
उपकप्तान इन्दु बर्मा ३७ बलमा ५ चौकासहित ४५ रनमा क्याच आउट भइन् । दोस्रो विकेटका लागि इन्दु र सीताले ८० रनको साझेदारी गरेका थिए । इन्दु बर्मा अन्तिम ओभरको तेस्रो बलमा ईश्वरी विष्टको बलमा कविता कुँवरबाट क्याच भएपछि अर्धशतकबाट चुकेकी थिइन् ।
ओपनर ज्योति पाण्डे २२ बलमा २ चौकासहित १३ रनमा रन आउट भइन् । ममता चौधरी २ बलमा ३ रनमा अविजित रहिन् । सुदूरपश्चिमका लागि ईश्वरी विष्टले ४ ओभरमा २९ रन खर्चेर १ विकेट लिइन् ।
यस जितसँगै एपिएफ २ खेलमा ४ अंकका साथ शीर्ष स्थानमा छ । एपिएफले पहिलो खेलमा मधेश प्रदेशलाई १० विकेटले हराएको थियो । सुदूरपश्चिमले ललितपुर ११ लाई ५१ रनले हराएको थियो । शनिबार सुदूरपश्चिमले मधेशसँग खेल्नेछ । एपिएफले कोशीसँग खेल्नेछ । आज नै हुने दोस्रो खेलमा कोशी प्रदेश र ललितपुर मेयर्स ११ बीचमा खेल हुदैछ ।
-1765813156.jpg)
-1765812485.JPG)
-1765806828.JPG)
-1765544030.jpg)
-1765378482.jpg)
-1765293173.jpg)
-1763641213.JPG)
-1764256991.jpg)
-1764240941.jpg)